Serchhip-ah Green Mizoram Day hmangin thing\iak phun hnatlangpui neih a ni

Mizoram ti hring tura thingphun beihpuithlakna Ni, Green Mizoram Day chu nimin khan Mizoram pumah hman leh niin Serchhip-ah pawh District Bawrhsap, Sangchhin Chinzah hovin hman a ni a, Serchhip leh Thenzawl inkarah Thing\iak phun hnatlang neih a ni.

Serchhip-ah chuan District Level Committee on Green Mizoram in ruahmanna an lo siam tawh angin Green Mizoram Day pual hian Serchhip Zawlpui Peng-ah he Ni puala inkhawm tawi hi neih a ni a, he hunah hian khuallian Serchhip District Bawrhsap, Sangchhin Chinzah chuan kan ram ah thingphun a pawimawh zia hriaa thingphun tura mi \hahnem tak an thawkchhuak chu lawmawm a tih thu sawiin, amaherawh chu thing\iak kan phun tawh dan chhut chuan thing hmuh tur a tam tawklo nia a hriat thu a sawi a. Thing\iak kan phun te chu a nun ngei theihna tura enkawl zui chu kan mawhphurhna leh kan tihtur a ni tih hriain, a hminga phun mai lovin, a puitlin hun tur mitthla chunga phun turin he huna kalkhawm te chu a chah bawk.
Green Mizoram Day puala inkhawm tawi hi Thenzawl DFO leh District Level Committee on Green Mizoram-a Member Secretary, Lalduhthlana chuan kaihruaiin kumin a Green Mizoram Day hmang tura ruahmanna an siam te a tarlang a, Serchhip DIPRO, K. Saitluanga kaihhruaina hnuaiah he huna kalkhawm te hian ramngaw leh kan thingphun sa enkawla humhalh kawngah theihtawp chhuah tura intiamin thutiam an chham rual bawk a. Hemi hnu hian Khuallian hian thing\iak phunin sawrkar Department hrang hrang leh tlawmngai pawl bakah Assam Rifles leh NSS Govt. HSS Serchhip Unit ten Serchhip leh Thenzawl inkar-ah thing\iak an phun zui a ni.
Nimin a he hun hmanna ah hian kumin a kangmei Veng \ha khua thlanchhuah te hnenah khuallian hian lawmman hlanin lawmman pakhatna dawngtu Kei\um khua in Rs. 50,000/- leh Citation an dawng a, Leng khua in lawmman pahnihna dawngin Rs. 30,000/- leh Citation hlan an ni a, pathumna chu Chhingchhip Mualpui hnenah hlan niin Rs. 20,000/- leh Citation hlan an ni a. Kangmei venna kawnga thu ziak \ha chanchinbu te hnenah lawmman hlan ni bawkin Zothlifim in pakhatna dawngin Lamkal in pahnihna leh Ramlai Arsi in lawmman pathumna an dawng bawk a ni.
Kumin a Green Mizoram Day-ah hian ‘Thing phunin sik leh sa vawng \ha rawh’ tih chu thupui ah hman a ni a, District Level Committee on Green Mizoram, Serchhip District in ruahmanna a lo siam tawh angin Serchhip leh Then-zawl inkarah Planting Agency 30 ten thing\iak 570 phunin Thenzawl-a Golf Course area-ah Planting Agency 17 ten thing\iak 400 an phun bawk a, hei nen hian Serchhip District pumah Planting Agency 47 ten thing\iak 970 phun tura ruahman a ni.
Green Mizoram Day hi Serchhip District-ah pawh kum 1999 a\ang khan hman \an a lo ni tawh a, heta \ang hian nikum thleng khan thing\iak 2,86,841 phun ni tawhin kumin a 970 phun thar nen hian thing\iak 2,87,811 phun a ni tawh a ni. Serchhip District hi Sq.KM 1421.60-a zau niin ramngaw chhah \ha chu Sq. KM 4.4 a zau chauh a ni tawh a, hei hi District zau zawng a\anga chhutin 0.30% vel chauh a ni.

Comments

Popular posts from this blog

PAN CARD an tih teh fo hi - Laldinpuia