Serchhip-a YMA Branch hrang hrang ten YMA Day urhsun takin an hmang

YMA Day vawi 84-na chu Inrinni, June 15, 2019 khan Mizoram hmun hrang hrang leh rampawn hmundan ah teurhsun taka hman a ni a. Serchhip khawpui chhunga YMA Branch hrang hrangte pawhin an remchan dan anga YMA Day hi lawmin Sub-Hqrs. YMA hruaitute pawhin Brang hrang hrangah an hmanpui a ni.

YMA Day hi Serchhip-a YMA Branch hrang hrangte chuan an remchan dan anga hmangin Chhiahtlang-a YMA Branch 5 te chuan a huhovin Ramlai Community Hall-ah an hmang a, Serchhip Sub-Hqrs. YMA a\angin Asst. Secretary, PC. Vanlalluna chuan hmanpuiin Kumpuan, ‘Ram leh Hnam humhalh’ tih thupui a sawi bawk. New Serchhip North Branch YMA te chuan an Branch YMA Hall-ah hmangin Serchhip Sub-Hqrs. YMA Fin. Secretary, Kawl\huama chuan a hmanpui a. New Serchhip Bazar Branch YMA ten nilen Hnatlang neia hun hmangin tlai-ah ruai an \heh a, New Serchhip Venglai Branch YMA ten New Serchhip YMA Hall-ah Section YMA hrang hrang ten inelna neiin hun an hmang bawk. Chhekhnai Branch YMA te chuan nileng hnatlang neia YMA Day hi hmangin P&E Veng Branch YMA te pawhin hnatlang neiin hun an hmang a, Serchhip Kawnpui North Branch YMA ten an huamchhung thenfai hnatlang an neih bakah miharsa In sak hna an thawh mek an chhunzawm a. Serchhip Chanmari Branch YMA ten DIET Multipurpose Hall-ah YMA Day hi hmangin Serchhip Sub-Hqrs. YMA Secretary, Lalrammawia chuan kumpuan thupui sawiin a hmanpui bawk a ni.
Serchhip Kawnpui South Branch YMA te chuan District Park, Dawngzawl-ah YMA Day hi lawmin intihhlimna chi hrang hrang nen hun an hmang a, Serchhip Hmar Veng Branch YMA te chuan YMA Hall-ah YMA Day lawmna neiin Central YMA Vice President, R. Lalngheta chuan a rawn hmanpui bawk. Serchhip Chhim Veng Branch YMA te chuan Thlanmual samfai hnatlang neia YMA Day hi hmangin Serchhip Vengchung Branch YMA chuan vengchhung thenfai hnatlang neiin an hmang a, Saron Branch YMA te pawhin Vengchhung thenfai hnatlang an nei bawk.
Serchhip Field Veng Branch YMA te chuan YMA Day hi hnatlang neia hmangin Dinthar Branch YMA chuan Zirtawpni zan khan hun hmangin Serchhip Sub-Hqrs. YMA Secretary, Lalram-mawia chuan Kumpuan thupui sawiin a hmanpui a, zirlai ti\hate chawimawina hlanin Inrinni-a hnatlang neih an tum erawh khua in a bumro tak avangin an \hulh thung. Serchhip Darnam Branch YMA te chuan Branch YMA Hall-ah YMA Day hi lawmin ‘Ram leh Hnam humhalh’ tih thupui hmanga thusawi ngaihthlak a nih bakah zirlai ti\hate chawimawina hun an hmang bawk a ni.

Ÿ YMA hi June ni 15, 1935 khan Zosap Missionary ten an din a ni a, a tira a hming chu 'Young Lushai Association' (YLA) a ni a, Gorkhali Sikul-ah an lo din a, President hmasa ber chu Rev. L. Evans (Pu Niara) a ni. 
Ÿ Kum 1947 khan YLA chu 'Young Mizo Association' (YMA) tia thlak a ni a, tun dinhmunah YMA hi Mizoram, Assam, Manipur, Tripura, Meghalaya bakah Bangladesh ah te a ding mek.
Ÿ YMA hian Aizawl-ah Headquarters neiin 'Central YMA' tih a ni a, Sub-Headquarters YMA panga (5)- Lunglei, Champhai, Kolasib, Serchhip leh Mamit-ah te a awm a, Group YMA 47 awmin Branch 803 a awm mek a ni. Aizawl khawpui chhungah Branch 100 awmin Central YMA-in direct-a a awp Branch 5 a awm a, ram pawna Branch awm zat chu Manipur-ah 23, Shillong 5 leh Tripura-ah 22 te a ni.
Ÿ Tunah hian YMA member hi 427,393 awmin heng zingah hian mipa 254,944 leh hmeichhia 172,449 an ni.

Comments

Popular posts from this blog

PAN CARD an tih teh fo hi - Laldinpuia