International Yoga Day vawi 5-na hman a ni

International Yoga Day vawi 5-na chu nimin khan Mizoram hmun hrang hrangah hman a ni a, Yoga Day hmanna ah hian Yoga Session an nei.

United Nations (UN) General Assembly chuan kumtin June ni 21 hi International Yoga Day a hmang turin December 11, 2014 khan a lo rel tawh a, hemi ang hian International Yoga Day hmasa ber chu June 21, 2015 khan khawvel hmun hrang hrangah hman a lo ni tawh a. International Yoga Day hi kumtin hman \hin niin nimin pawh khan ram hrang hrangah hman a ni leh a ni.

International Yoga Day hi Aizawl-ah chuan Assam Rifles te huaihawta hman niin Aizawl Sipai Lammual-ah hman a ni a, he hun hi Chief Secretary, Lalnunmawia Chuaungo chuan hmanpuiin Assam Rifles, Army, CAPFs, Police, NCC Cadets leh Mizoram Sawrkar hnathawk te bakah NGO leh zirlai mi 1860 vel he hunah hian an tel a, hemi rual hian Indo-Myanmar ramri post ah mi 850 velin International Day of Yoga hi an hmang bawk a ni.