Farming Society Assembly nei

Serchhip Farming Co-Operative Society chuan nimin khan General Meeting neiin Asst. Register of Cooperative Society (ARCS) Serchhip District, K. Lalduhawma chuan a hmanpui.

Ser-chhip Hmar Veng YMA Hall-a Serchhip Farming Cooperative Society General Assembly hi an Chairman, Dengsailova chuan kaihruaiin he hun hmanpuitu Serchhip District ARCS, K. Lalduhawma chuan tunhnaia Serchhip-a rawn awm thar chauh a nih thu sawiin, a Office pawh ni 3 chauh ala luah avangin Serchhip District-a Society hrang hrangte dinhmun pawh ala hriatchian loh thu a sawi a. Serchhip Farming Cooperative Society in Building \ha tak neia dawr pawh \ha taka an kalpui chu lawmawm a tih thu sawiin, amaherawh chu kan ramah mimal sumdawng leh dawr nei ten an hlawkpui hle laia Society Dawr tam zawk a \hang chaklo chu mak a tih thu a sawi a. Society in dawr a neih te chu Share neitute ta a nih avangin an Dawr-a an thil zawrh te chu lei tura pan hram hram \hin turin a chah a. Hetianga Share Holder ten an pan hram hram chuan an dawr pawh nasa taka a \han tur thu sawiin, nakum-a General Meeting an neih leh hunah chuan an dawr a\anga thil hralh leh an hlep pawh a pun ngei a beisei thu a sawi bawk.

Hei bakah hian Bank awmlohna hmuna Bank Service pekchhuahna tura ruahman leh Serchhip Farming Cooperative Society in an kalpui tur, Primary Agriculture Credit Cooperative Society (PACS) chungchang pawh ARCS chuan sawiin, awlsam taka mipui ten loan te pawh an lak theihna leh awlsam taka sum dahluhna a nih rualin fimkhur taka kalpui a \ul thu a sawi bawk.

Serchhip Farming Cooperative Society General Meeting-ah hian an Secretary, Lalro-danga chuan kum kalta chhunga an hmalakna leh an Society sum dinhmun te report in chawhnu lamah rorelna nei chhunzawm nghalin Serchhip AOC Veng-a an dawr neih mek kalpui chhun-zawm zel dan tur te sawiho a ni.