PAHOSS hnuaiah mi 99 te Approval Letter pek an ni

Sawrkar in ruahmanna thar a siam, Parking House Support Scheme (PAHOSS) hnuaia beneficiary thlanchhuah Batch hmasa ber mi 99 hnenah nimin khan Chief Minister, Zoramthanga chuan pawmpuina lehkha, Approval Letter a hlan a. Approval letter semchhuah hian sawrkar a\anga Parking House sakna tura puih tiamna entirin, 1st batch atana \anpuina pek tur zat hi a vaiin cheng nuai 1,746 a ni.
PAHOSS hi Aizawl khawpui AMC area chhunga Traffic Jam tiziaawm tura hmalakna niin, PAHOSS beneficiary te hian an In sak sa emaw, sak lai mek leh la sak turte emaw chu man chawia vantlang motor park-na atan an buatsaih dawn a. He ruahmanna hnuaia \anpuina dawng hmasa ber turte hnena Approval Letter semna hun Aizawl Vanapa Hall-a neih ah hian Chief Minister, Zoramthanga chuan Aizawl khawpui chu State Capital Traffic Jam awmlohna ah siam tum a nih thu sawiin, PAHOSS chu a bul\anna chauh a nih thu leh hmalakna dawng pawh siam belh zel tum a nih thu a sawi a. State dangte tan a entawn tura hma la in, India hmarchhakah Mizoram chu hmahruaitu kan ni thei a ni, a ti bawk.
Parking House Committee hi Chief Minister kaihhruaina hnuaia din a ni a. Mimal emaw, pawl angin emaw, motor park theihna hmun siam thei (a tlem berah LMV 5 tal park theih) hnenah Sawrkarin \anpuina, motor pakhat zel park-na hmun ruahman tura Rs. 1,00,000/- \anpuina pek theihna Scheme siamchhuah a ni ta a. A scheme hming atan ‘Parking House Support Scheme (PAHOSS)’ vuah a ni a. PAHOSS hi ni 6th February, 2019 khan Chief Minister in a hawng a. Parking House siamna senso leh puihna atan sawrkar a\angin motor pakhat (LMV) ah emaw, 2-wheeler paruk (6) zelah \anpuina cheng nuai khat (1 lakhs) a neitute hian an dawng a. Tanpuina dawngtute hian a tlem berah kum 10 chhung tal Public parking atan an hmang ngei tur a ni.
Tun \uma PAHOSS 1st Batch atan hian dilna 563 lutin, dilna 338 enfiah tawh zingah 99 te chu thlanchhuah an ni a. Parking House 99 approve atana sawrkarin cheng nuai 1,746 a sanction turah hian LMV 1746 park theihna ruahman a ni dawn a. Diltute hi a tahtawlin enfiah \hin niin an hmalak \hat dan azirin pawisa pawh pek chhunzawm zel an ni ang.
PAHOSS atan hian Mizoram sawrkawrin kum 2018-19 Budget ah cheng nuai 1000 dahin kum 2019-2020 Budget-ah cheng nuai 6000 a dah leh bawk. He scheme hian Motor park-na tura Insak thar mai bakah kawngpui dunga In nei, Parking atana let duh tan dil theih a ni a. Aizawl khawpui chhunga Traffic Jam nasat zualna hmun te chu ngaih pawimawh niin hrechiang duh tan udpamizoram.nic.in/PAHOSS.html ah enfiah theih reng a ni bawk.

Comments

Popular posts from this blog

PAN CARD an tih teh fo hi - Laldinpuia