Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Kumin ah Bru hruaikir vek hman tum a ni

/
Home Minister, Lalchamliana’n Tripura-a Bru awmte chu kumin ah Mizoram-a hruaikir vek hman tum a ni, a ti.
ZPM member, C. Lalsawivunga zawhna ziaka a channaah Home Minister, Lalchamliana chuan, Tripura-a Bru awm Mizorama lo kir duhte chu kumin December thla ralhmaa an lo kir vek theih nan hmalak mek a ni, a ti a. Hemi chhunga lo kir duhlote chu Mizoram Sawrkar-in ngaihven zui zel \ha a ti lova, hemi chungchang hi Union Home Affairs Ministry nen sawiho zel tum a ni tih sawiin, Bru-te hruaikir tura hmalakna chu Lok Sabha inthlanpui neih a nih vang khan a khaihlak hle a, tunah chuan inthlan hi zawhfel a nih tak avangin hmalak chhunzawm leh ngal tum niin, hmalakna hmasa ber atan a kaihhnawih District pathum, Lunglei, Kolasib leh Mamit-a District Commission leh Home Department hotute chu District Level Core Committee nei phawt tura tih an ni a, Mizoram Bru hruaikir chungchangah hian Union Home Affairs Ministry leh Tripura Sawrkar nen \angho in kumin chhung ngeia hruaikir hna hi zawh hman tum a ni tih Home Minister chuan a sawi bawk.

Comments

Post a Comment

Popular News (Last 30 Days)