MCS pawl khawmpui Home Minister in hmanpui

Mizoram Civil Service Association chuan nimin khan Tourist Complex, Beraw, Aizawl-ah General Conference vawi 44-na hmangin Home Minister, Lalchamliana chuan khuallian niin a hmanpui.
MCSA General Conference-ah hian Home Minister chuan MCS chu sawrkar tana hna pawimawh tak thawktu an ni tih sawiin, hna hrang hrang an chelhna ah rinawm taka hnathawh chu a pawimawh hmasa ber a nih thu a sawi a. “Dik leh rinawm tak a hna thawh hi a Kristian a, a Mizo bawk a, mahni ah lungawina min pek mai bakah midangte tana chhawrtlak leh tangkai kan nih phah thin bawk a ni,” a ti. Home Minister chuan inrelbawlna kalpui dan kawng pawimawh tak pahnih awmin Mechanical approach leh Humanistic approach a ni tih a sawi a, “Mipuite tana rawngbawlna hlawk zawk kan kalpui theih nan Humanistic approach hi kan hman fo a\tha a ni,” a ti bawk.
Mizoram Civil Service Officer Profile 9th edition a alan dan chuan MCS Officer 213 awm mekin chung zingah chuan Supertime Grade A panga (5), Supertime Grade B pasarih (7), Selection Grade 24, Junior Administrative Grade 44, Senior Grade 80 leh Junior Grade 53 te an ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia