Serchhip-ah Self-Employment Programme hnuaia hmalak dan tur thlirhona Bawrhsap hovin neih a ni

/
Nimin khan Serchhip-ah Serchhip District Task Force Committee on DAY-NULM chu \hukhawmin Self-Employment Programme (SEP) 2019-2020 kalpui dan tur an thlirho a. Kumin a SEP hnuaia Loan pekchhuahna tura ruahmanna hrang hrang awmte thlirin Loan pekchhuah tawh dan te thlirho a ni bawk.

District Task Force Committee on DAY-NULM \hutkhawm Serchhip DC's Office Chamber-a neih hi an Chairman, Serchhip District Bawrhsap, Sangchhin Chinzah chuan kaihruaiin Bawrhsap chuan Self-Employment Programme (SEP) kalpuina turah Bank te chu a pawimawh te ber an nih thu sawiin, Loan pek turah phei chuan Loan pechhuaktu ber an nih avangin an Loan pekchhuah theihna tur te an ngaihtuah a pawimawh thu a sawi. 
He hunah hian UD&PA Department hotute chuan Self-Employment Programme (SEP) hnuaia Loan pekchhuahna turin Self-Help Group (SHG) leh Street Vendor te tana awlsamna tur Trade hrang hrangte an ruahman thu sawiin, Self-Help Group te tana training an buatsaih hrang hranga zirchhuak ten eizawn nana an hman theih turin ruahmanna an siam thu an sawi a. Bank lam hotute chuan Self-Employment Programme (SEP) hnuaia Loan an pekchhuah te chuan an rul \ha thawhkhat tih sawiin, Mizoram Rural Bank (MRB) Serchhip Branch chuan an hotute a\ang pawhin fakna an dawn thu an sawi bawk.
He hunah hian Serchhip khawpui chhunga Bank hrang hrang paruk (6) ten Self-Employment Programme (SEP) kaltlanga Loan an pekchhuah theih tur Trade sawiho niin Trade hrang hrang 26 ruahman te chu pawm vek a ni a, heng zingah hian 14 chu kum kalta lama lo kalpui tawh niin a thar 12 ruahman a ni bawk a. Kumin ah hian Loan hi Serchhip khawpui chhunga Bank paruk (6) a\anga pekchhuah tura ruahman leh niin mimal-ah mi 40 tan cheng nuai 80 chu target a ni a. Group Enterprises te tan mi 50-ah cheng nuai 50 ruahman niin Self-Help Group Bank Linkage (SHG-BL) tan beneficiaries 200 tan cheng nuai 20 ruahman a ni bawk.
Nimin a \hutkhawm ah hian kum kalta chhunga an hmalak dan thlirletna neih niin kum kalta chhunga Bank hrang hrang 6 ten mimal loan-a target an neih 43-ah 32 pekchhuah ni tawhin pending 11 a la awm a. SHG-BL ah Target 16-ah Loan 12 pekchhuah a ni tawh bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »