Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

ZEP in zirlai naupangte tan inelna an buatsaih

Zoram Entu Pawl (ZEP), Serchhip chuan nimin khan an enkawlna hnuaia zirna In te tan Ser-chhip-ah inelna an buatsaih.
Zoram Entu Pawl (ZEP) in Quality Education Project an kalpui mek bultuma Serchhip P&E Veng St. John The Baptist Hall-a an Project hnuaia Primary School 15 leh Middle School 20 te tan inelna an buatsaih ah hian Primary School zirlai naupang tan Spelling Bee leh Middle School naupang tan Translation-ah te inelna hi neih a ni. He inelna hawnna puala inkhawm tawi Baby Lal\hakimi Chinzah, Coordinator, Quality Education ZEP kaih-hruai a neih ah School hrang hrang a\anga tel turte inhmelhriat tirna neih a nih hnuah inelna hi neih zui a ni.
He inelna hi zirlai ten an zirlai mai bakah inelna rilru leh hmasawnna an neih theih nana buatsaih a ni a, Primary School inelna ah hian PB. Lalhlupuii, All Saint School chu pakhatna niin Lalthanpuia, Presbyterian English School, Kei\um chu pahnihna a ni a, TBC. Lalrinkimi, Shalom English School, Bungtlang chu pathumna a ni bawk. Middle School zirlai naupangte tana Translation inelna ah Ramdinpuii Sailo, Goodwill English School, Serchhip chu pakhatna niin H. Vanlalremruatpuii, Presbyterian English School, Serchhip chu pahnihna a ni a, F. Lalhunmawii, Little Flower Convent School Serchhip chu pa-thumna a ni bawk a. Heng zirlai naupang ti\hate hnenah hian lawmman \ha tak hlan an ni bawk.

Comments

Popular News (Last 30 Days)