Sawrkar tharah kut hnathawk ten ngaih pawimawh an hlawh zual dawn - Agriculture Minister

Agriculture Minister, C. Lalrinsanga chuan Sawrkar tharah kut hnathawkte chu ngaih pawimawh an hlawh zual dawn tih a sawi a. Kut hnathawkte mamawh in\awm phuhruk nan SEDP hnuaiah hmalak a ni chho dawn tih sawiin, ram leh Hnam thinlung pu chunga hma la turin kuthnathawktute a chah bawk.

Nimin a '|halai leh khawl thlunzawm hmanga intodelh' tih thupui hmanga nimin a Kolasib Diakkawn YMA Hall-a Kolasib District a kut hnathawkte khawmpui a hmanpuina ah he thu hi sawiin Agriculture Minister chuan Sawrkar thar thupui ber chu 'Ram leh Hnam intodelh' a ni, a ti a. Mahni tharchhuah ngeiin mahni choka a luahlum tur a ni tih chu kalkhawm kut hnathawk ten chona ah hmang se a duh thu a sawi bawk. Hnam intodelh ni tur chuan thawhrim leh tei rei peih a ngai tih sawiin Agriculture Minister chuan, Mizoram chuan kawng hrang hrangin theihna a neih thu leh Kolasib District phei chu Potential nei \ha em em, ‘Rice Bowl of Mizoram’ tih theih tur khawp hiala theihna nei sang anih thu a sawi a, “Huan lo ram, leilet neitu kuthnathawk te hian kan theihna te a nihna ang taka pholang turin theihtawp kan chhuah \heuh a ngai a, chumi kawnga puihna ngai zawng zawngah Sawrkar chu a inhawng reng a ni,” tiin “Kan leilet te chu hnamdang kutah dah mai lovin a neitute ngei hian Hnam thinlung pu chunga enkawl in kan Ram leilung ngei tharchhuah te chu Ram leilung fate hian hlawkpui ila, dinchhuah pui nan hmang ila chu chuan kan economy pawh nasa takin a pui dawn a ni,” tiin he huna tel te chu ram leh hnam thinlung pu chunga hma la turin a chah bawk.
Agriculture Minister chuan kut hnathawkte mamawh in\awm phuhruk nan SEDP hnuaiah hmalak a ni chho dawn tih pawh sawiin, Society anga kal te pawh thil in tihhmuh chi tak a ni chho dawn tih a sawi a. Kut hnathawk ten an thil/thlai/sa tharchhuah te dah\hata khawl lailawkna tur, Storage Facility te pawh tuaihnum chhoh zel a ni dawn tih a sawi a. Kan Ram leilung theihna te chu a hlawk zawng leh a tipung zawnga kut thlak a hun tawh tih pawh sawiin, hemi kawngah hian Sawrkar chuan theihtawp a chhuah zel dawn thu leh kuthnathawkte \awiawmna leh thawh-puina an mamawh tur thu a sawi a, \halai te pawhin Hnam thinlung puin Mizo in a thil kan tih ve theih hi chu Hnamdang kutah dah mai lova ngaituahna sen a hun tawh takzet tih a sawi.
Minister chuan Ram leh Hnam thinlung pu chunga hma kan lak chhoh loh chuan tun a mi te hian tuar lo mah ila kan tu leh faten an la tuar dawn ani tih sawiin, Economy chauh nilo in Kristianna a\anga thlir pawhin tun anga kan kal a nih chuan Economy anga kan ngaituahna ten min hren beh a, min hnung khirh hun a la thleng palh thei a, chu chuan Ram leh Hnam kan inrel-bawlna bakah ei leh bar kan zawnna te hi a tlukchhiat a hlauhawm a, Sawrkar in Ram leh Hnam intodelh nana hma a lakna kawngah thinlung leh tih takzeta thawhpui turin kalkhawm te chu a sawm bawk.
He hunah hian Khual zahawm leh Supply Minister, K. Lalrinliana pawhin Sawrkar in intodelhna a ngaih pawimawh thu sawiin, Mizo ten buh a ni emaw, thildang pawh nise Ram mamawh khawp kan tharchhuah theih phawt chuan Sawrkar in leisak a inhuam reng thu a sawi a, Kolasib District chuan Buhfai leh Sangha-ah te theihna sang tak a neih thu sawiin, heng te hi eizawnna tlak a ni thu leh tih takzeta bei te tan chuan dinchhuahpui tham anih thu a sawi a. Hetihlai hian Dil, Leilet leh huan lo ram enkawltu atan hnamdang an chhawr nasa lutuk chuan kan Ram tharchhuah chu hralh si lovin tam tak hnamdang kutah a luang ral tih a sawi a, chu chuan kan tharchhuah theihna te chu nasa takin min thlen phak tir lo fo tih a sawi bawk. 
Nimin a Kolasib-a Kut hnathawkte inkhawmpui Kolasib-a DAO, J. Rothanga chuan kaihruaiin Kolasib District chhunga khaw 19 a\angin kuthnathawk 350 vel an tel a ni.

Comments

Popular posts from this blog

PAN CARD an tih teh fo hi - Laldinpuia