MHTC Zirlai ten an Principal Lim halin a rang thei ang bera sawnchhuah an phut

Mizoram Hindi Training College (MHTC) Principal nihna chelh mektu an duhloh zia lantir nan nimin khan Aizawl City College Joint Students’ Union, DIET Trainees Union, Women’s Polytechnic Aizawl Student Union leh Mizoram Hindi Training College Adhoc Trainees Union te chuan MHTC Principal lim, Documents leh RTI dawt hmanga chhanna-te an hal a, zirlaiten an duhna tih puitlin a awmlo anih chuan na zawka chet an tum thu an sawi.
Hemi hnua thuchhuah an siamah MHTC Principal chu thuneihna hmang sualah puhin, an Principal Dr. Louis Hauhnar chu Master ofArts (Education) Degree kum khat leh a chanve chhunga zo ah an puh a, University Grants Commission Act 1956 (3 of 1956) Clause (f) Sub-Section (I) amendment Regulations 2013-in a sawi ang MasterDegree chu kum 2 chhunga neih tur anih laia hetianga UGC Guidelines kalha Certificate nei Principal chu Mizoram sawrkar-in a rang thei ang bera a chhuichian an phut tih an sawi.
Hei bakah hian Mizoram Hindi Training College zirlai nilo ten Mizoram Hindi Training College hminga Scholarship an dil avanga Scholarship la theilo dinhmun a an ding mek chu hriatthiam har an tih thu sawiin, hetianga Mizoram Hindi Training College zirlai nilo-te dilna lo pawmsaktu Principal chu an duhloh thu leh a rang thei ang bera transfer an duh thu an sawi a. RTI hmanga an thil dil te dawt hmanga an Principal in a chhang chu an duhloh thu pawh sawiin, Agra-a an zirlai zin te sum mi pakhat ah Rs. 1100/- zel lo eiruk saktu an Principal chunga sawrkar-in tun thleng a action a la duhlo chu hriatthiam harsa an tih thu an sawi a. Zirlai hnathawh neilo leh harsa tak takte chanvo eiruk sak duhtu Principal chungah hian sawrkar-in a rang thei ang berin action a lak an phut thu an sawi a. Zirlaiten Mizoram Hindi Training College Principal chet dan diklo tak leh eirukna tam tak thleng an hailang/tarlang tawh chunga Action lak ala nilo te chu an hrethiam loh thu sawiin, an Principal chu zirlaite chunga \awngkam bawlhhlawh tak tak hmanga zirlaite hmakhua tihchhiat vek a vau duhtu leh zirlaite rilru hliamtu-ah puhin Tranfer vat an phut a, tuna zirlai ni mekte leh Second Year zirlai ni lehzel turte pawhin an duh tawhlo tih an sawi bawk.

Comments

Popular posts from this blog

PAN CARD an tih teh fo hi - Laldinpuia