Martar 17 te thlahna nei

Nimin khan Ex-MNA Association huaihawt in Martar 17 te thlahna hun Aizawl Vanapa Hall ah neih a ni a, Chief Minister, Zoramthanga chuan a hmanpui a ni.
Martar 17-te thlahna inkhawm ah hian Chief Minister chuan heng mi, chawi-mawina ropui ber an pek te hi ram leh hnam tan an neih hlu ber, an nunna hlantute an nih thu a sawi a, “Qualification ropui ber neiin an pass a, kan chawimawi a ni,” a ti a. Kan hnam Martar-te hi \henkhatin politics khelh nan hmangah an puh \hin tih sawiin, “An ruhro leh an kuangte hi engkim atana hman tlak a ni. Min dem \hintute hian an hrethiam lo zawk a ni. Lal Isua pawh khawvel tan a nun a pe a, chu chu a ropuina em em a ni. Politics-a intuaithar zel nan kan Martarte hi \hangthar ten an la hmang zel ang,” a ti a. Mizoram a political party dangte chuan an hming an thlak zung zung tih pawh sawiin, “MNF chu kum 60 a tling \ep tawh. MNF chu a bul leh tawpah hming dang a la awm lova, a awm ngai hek lovang,” a ti bawk.
He hunah hian Ex-MNA Association President, Rochungnunga pawhin thu sawiin Martar te hian hnam-a min siamtu min siam anga Mizote kan din chhuah theih nan an nunna an hlan tih sawiin, heng mite tello hian ram kan luah thei lo tih a sawi a. Martar zawng zawngte chu seng-khawm vek an duh tih pawh sawiin, amaherawh chu an chhungte thuthlukna a ngaih \hin avangin a tih zung zung theih loh tih sawi a. “|henkhat ten ruhro sengkhawm politics khelh nana hmang min tih \hin chungchangah hian 1986 a\ang daih khan kan sengkhawm tawh a ni. Vawiin a mite hi an ruhro ram daia zalh kha, zanin a\ang chuan thla-muang takin an \hiante bulah an zal dawn ta a ni,” a ti bawk.
Heng nimin a an thlah tak te hi Mission Veng, Vanzau, Sazep, Leisenzo, Dungtlang, Sam-tlang, Buang, Farkawn leh Khawrihnim khua a\anga lak te an ni.

Comments

Popular posts from this blog

PAN CARD an tih teh fo hi - Laldinpuia