Food Testing Laboratory la hmang thei rihlo

Health Minister, Dr. R. Lalthangliana chuan, Aizawl-a Food Testing Laboratory chu thawktu pangngai an la awm loh vangin hman \angkai theih ala nilo tih House a hrilh.

Nimin-a Mizoram State Legislative Assembly Session ni nga na, zawhna leh chhanna hun a Dr. Vanlal\anpuia zawhna chhanga he thu hi sawiin Health Minister chuan, Central Medical Store, Zemabawk, Aizawl-ah Food Testing Laboratory khawl leh hmanrua te Commerce & Industries in an lei chu install zawh vek a nih tawh thu leh, amaherawhchu thawktu pangngai an la awm loh vangin hman \angkai theih ala nih loh thu a sawi a, Health Department kutah hlanchhawn ala nih loh thu a sawi bawk.

Dr. R. Lalthangliana chuan, Mizoram state-ah India ram State dangte ang bawkin Food Safety & Standard Act, 2006 7 Rules & Regulation, 2011 hmangin ei leh in thianghlim chauh zawrh a nih theih nan hmalak chhoh mek zel a nih thu sawi bawkin, chung an hmalakna \henkhatte chu, NGO hrang hrangah Awareness Campaign leh zirlaite nena neih te, Radio/TV Spot hmanga ei leh in chungchang inhrilhhriatna pek te, Ei siamte leh zuartute training pek leh Inspection leh Sampling te a nih thu a sawi. Assam State Food Analyst, State Public Health Laboratory, Guwahati chu Mizoram sawrkarin a rawih mek thu leh Food Sample tam zawk chu test tur a thawn mek a nih thu Health Minister chuan a sawi bawk.