Serchhip-a Damdawi In-a Surgeon dah thar in a hna a zawmloh chhan thuneitu ten an la hrelo

/
Serchhip Damdawi In-a Surgeon hna thawk, Dr. Zochampuia Ralte chu sawrkar in Kolasib-ah a sawn angin a hna zawm turin a chhuak tawh a, a aiawh tura sawrkar in a dah erawh chawlhkar khat chhunga a hna zawm tura tih ni mah se tun thlengin ala zawm lo a, a hna ala zawmloh chhan hi Damdawi In thuneitute chuan an hriatloh thu an sawi.

Mizoram sawrkar chuan kumin May thla tawp khan Mizoram-a Doctor hna thawk lai engemaw zat te awmna siksawiin Doctor lak thar te awmna tur a siam thar nghal a, hetah hian Serchhip District Hospital-a thawklai, Dr. Zochampuia Ralte (Surgery) chu Kolasib-ah sawn niin a aiawh tur (Surgeon) hi dah a nih loh avangin Serchhip NGO Coordination Committee chuan a aiawh tur dah a nih hma chuan a chhuah an remti lo tih sawrkar hotute leh Chief Minister, Zoramthanga hnenah \awngka leh ziakin an thlen a. Hemi chungchang hi Health Minister, Dr. R. Lalthangliana hnenah pawh an thlen bawk a.
Hemi hnu June 7, 2019 khan Mizoram sawrkar chuan thuchhuah siam lehin Dr. Zochampuia Ralte aiawha Serchhip-a awm tur hian Dr. Lalchhandama, Sr. Resident, Dept. of Surgery, Zoram Medical College chu dah lailawk (Temporary Attachment) a nih thu tarlangin, Order chhuah a\anga chawlhkar khat chhungin a hna zawm tura tih a ni a. Hetianga sawrkar in Order a chhuah hnu hian Dr. Zochampuia Ralte pawh hi a hna thar zawm tura chhuakin Kolasib-ah a zawm tawh a, amaherawh chu a aiawh tura dah Dr. Lalchhandama erawh chuan Order a chhuah a\anga ni 17 a liam hnu, nimin thleng khan a hna thar hi ala rawn zawmlo nia thudawn a ni.
Serchhip District Medical Superintendent, Dr. ZD. Lalmuanawma chuan Serchhip-a Dr. Lalchhandama dah lailawkna Order hi an dawn tawh thu kan Palai in a zawhna chhanga sawiin, amaherawh chu tun thlenga ala rawn zawm loh thu leh a la rawn zawmloh chhan an hriatloh thu a sawi a. Mizoram sawrkar in Serchhip-a awm tura a dah dang- Dr. K. Vanlalhriati (Pae-diatrician) leh Dr. Joseph Lamuanpuia Hauzel (ENT) te chuan an hna an rawn zawm tawh thu leh an hna zawm hnu hian Induction Training nei zo leh tawhin Vawiin, June 24, 2015 a\ang hian mipuite tan dawr theiha an \hut hman a beisei thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »