Kawngpui \ha nei turin huaisen ngam turah kan inngai - CM

Chief Minister leh PWD Minister ni bawk, Zoramthanga chuan Mizoram in kawngpui \ha kan neih theih na turin chak taka hmalak mek a nih thu a sawi a, hemi tur hian hmun hrang hranga kawngpui siamtu Contractor te lakah pawh huaisen ngam turah an in ngaih thu a sawi.
Nimin Assembly Budget Session zawhna leh chhanna hun a member te zawhna, zawhbelhna leh \ha-hnemngaihna an sawi te chhanga he thu hi sawiin, PWD Minister chuan, an term hmasa hunlai pawhin World Bank hnathawktu Bhageeratha Engineering Ltd. chu an hnathawh a \ha tawklo a an hriat vangin indailawkna tur \ha tak siamin an hna an lo cancel sak tawh tih a sawi a, hemi vang hian World Bank kawng hna thawh pawh a kal chak phah sawt niin a sawi.
PWD changtu ni bawk Chief Minister, Zoramthanga chuan, Mizoram a kawngpui siam hna hrang hrangte chu amount tam tham tak tak a nih \hin vangin Mizo contractor te thawh phak loh a tam \hin tih pawh he hunah hian a sawi a, hemi chungchang hi Mizo Contractor Association te nen pawh an sawiho tawh thu leh Mizo Contractor ten hna lian tak tak an thawh theihna tura hmanraw \ha zawk an neih theih dan tur sawiho a nih tawh thu a sawi bawk.
Zawhna neitu Lengteng bialtu MLA, L. Thangmawia zawhna chhangin PWD Minister, Zoramthanga chuan Saitual to Saichal road chu blacktop tura hmalak a nih thu a sawi a, kumin atan Ministry of Road, Transport and Highway (MoRTH)-ah Annual Plan 2019-20 a khung turin Mizoram PWD in Proposal siam a a thawn mek thu leh approval nghah mek a nih thu a sawi a, chutih rual chuan PMGSY-I upgradation Scheme-ah pawh telh tho a nih thu leh Rural Development Ministry pawmpui tura DPR thehluh a, nghah mek a nih thu a sawi bawk. Hetianga kawng hrang hranga hmalak a ni chu zawhna neitu hian lawmawm a tih thu a sawi bawk.

Comments

Popular posts from this blog

PAN CARD an tih teh fo hi - Laldinpuia