Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

P&S dawrlo Department 13 la awm

Printing and Stationery Minister, Lalchhandama Ralte-in Sawrkar Department zingah Printing and Stationery a\anga Office mamawh lam lo Department 13 an awm tih a sawi.
ZPM member, Vanlalhlana zawhna leh zawhbelhna dangte chhanga he thu hi sawiin Lalchhandama Ralte chuan, Department zingah Budget Session neih meka Department hrang hrang Demand a\anga a lan danin Mizoram-ah Department 49 awm mah se, Department \henkhat chu inrelbawlna hran neia kal hrang an awm nual avangin an Department-in Department a chhinchhiah chu 53 zet an ni tih a sawi a. Heng zinga Department 44-in Printing and Stationery a\angin Office mamawh an lam a, la lam ve chiah lo Department 13 an awm thu a sawi a. Tun dinhmunah Aizawl Depot-ah cheng vbc. 3 vel hu bungraw chhekkhawl an nei tih sawiin, Lunglei-ah cheng nuai 80 leh Siaha-ah cheng nuai 50 hu vel bungraw chhekkhawl a awm mek tih a sawi bawk.

Comments

Chhiar Hlawhte