Leng Green House Cluster-a Tomato tharchhuah Serchhip District Bawrhsap in a vailiam

Serchhip District-a Horticulture Department in Leng khua-a Green House Cluster-a Tomato an tharchhuah te chu Mizoram hmundanga hralhchhuah turin nimin khan Serchhip District Bawrhsap, Sangchhin Chinzah chuan Leng khua a\angin a vailiam.

Heng Tomato tharchhuah vailiamna puala inkhawm tawi Leng khua a neih ah hian District Bawrhsap, Sangchhin Chinzah chuan hetianga Mizoram hmundanga thawnchhuah tur Tomato Leng khua in an tharchhuak chu lawmawm a tih thu sawiin, Leng khaw mipui leh Horticulture Department hmalakna chu lawmawm a tih thu leh an hmalakna chu Mizoram mipuiin a hlawkna kan tel dawn tih a sawi a. Leng khua in Ngaw \ha tak an nei te, Khaw fai thlanna a lawmman pakhatna an dawng leh kangmei veng \ha lawmman an la \hin te chu ropui a tih thu sawiin, hei hian khaw lungrual leh \angrual, inrelbawlna nei \ha an ti tih a lan thu a sawi a. Mi \henkhat ten \anpuina an dawn te an hman \hatloh laia Leng khuaa Tomato chingtu ten theihtawp chhuaha hma an lakna chu lawmawm a tih thu a sawi a. Tomato chingtu ten an Tomato chinna hmun panna chungchanga harsatna an neih District Bawrhsap hnena an thlen thu a theih angin thuneitute hnenah a lo thlen tur thu a sawi bawk.
Serchhip Divisional Horticulture Officer, M. Vanlalzami kaihhruai he hunah hian PC. Lalnghahsangi, Horticulture Extension Officer chuan Leng khuaa Tomato an chin dan sawiin, Tomato te hi Mission for Integrated Development of Horticulture (MIDH) Scheme hnuaia kum 2017-2018 sum hmanga chin a nih thu a sawi a. Helai hmunah hian mi 10 tan Green House 20, Sq. meter 100 \heuh a zau chu siamin chhungkaw pakhat in pahnih zel an enkawl thu a sawi a. Kumin Feb. 12-ah Green House te hi sak zawh niin hemi hnu hian Tomato hi chin zui a ni a, Green House chawmna atan hian Horticulture Department chuan Tui lakna an siam bakah PMKSY hnuai a\angin Drip Irrigation siam a ni a, hei bakah hian Thlam in\awm tur pakhat an sak sak bawk. Green House-ah hian Tomato hi kung 700-800 vel zel phun niin Tomato an chin a\anga ni 71-na, May 31, 2019 khan Tomato hi Kg. 30 lawh niin ni 80-na, June 10 khan a hlawma lawh vawikhatna atan lo in quintal 15 lawh a ni a, heng te hi Horticulture Fare-ah zawrhchhuah niin nimin a ni 88-na a thawnchhuah tur an lawhna ah hian quintal 20 chuang an lo leh bawk a, heng te hi Kg. ah Rs. 80/- hisap-a hralhchhuah tur a ni.
Nimin-a heng Tomato thawnchhuahna puala inkhawm tawi neih ah hian Horticulture Department Joint Director, R. Man\hianga chuan Serchhip in DHO \ha tak an nei chu lawmawm a tih thu sawiin, Taimakna leh thawhrimna chu hlawhtlinna a ni tih hre reng turin kalkhawmte chu a chah a. Tomato chingtu pawl a\angin an Chairman, Robert Lalruat-sanga chuan hlawhtling taka Tomato an chin theihna tura DHO leh a thawhpuite inpekna ah lawmthu sawiin, training \ha tak pek an ni chu an chhawr thu a sawi a. Tomato chu ching chhunzawm zelin hlawkna nasa zawk an chan an beisei thu a sawi bawk.

Comments

Popular posts from this blog

PAN CARD an tih teh fo hi - Laldinpuia