Doctor ten damlo en dawnlo

Rampuma Doctor te chuan Vawiin hian an lungawilohna lantirin damlo te an en dawnlo a, Serchhip-ah pawh he lungawilohna hi lantir a ni ang.
Tunhnaia NRS Medical College & Hospital, Kolkata-a Doctor duty te thih ngama kutthlak an nih avangin India ram puma Doctor insuih-khawm pawl, Indian Medical Association (IMA) ten an rawt angin, India ram pumah Vawiin, June 17, 2019 zing dar 6:00 a\anga tlai dar 6:00 inkar chhung hian lungawiloh lantir nan sawrkar leh Private damdawi In zawng zawng ah ‘Pen Down Strike’ neih a ni dawn a. Zing dar 6:00 a\anga tlai dar 6:00 thleng Mizoram chhunga Hospital zawng zawng (Govt. leh Private) leh Private Clinic zawng zawngah Medical Doctor ten damlo an en dawn lova, emergency/casualty service erawh a nghawng lo ang.
He lungawilohna lantir tur avang hian IMA chuan mipuite hriatthiamna an ngen a, Ai-zawl-ah chuan tukin dar 9:00 hian Civil Hospital Aizawl Casualty kawt-ah Peaceful Demonstration neih tum a ni bawk.

Comments

Popular posts from this blog

PAN CARD an tih teh fo hi - Laldinpuia