Sawrkar kum kal mek-a sawrkar sum ruahman cheng vbc. 10,692.30 House-ah pharh a ni

Nimin-a Mizoram Legislative Assembly Budget Session chhunzawm ah Finance changtu Chief Minister, Zoramthanga chuan kum 2019-20 chhunga Mizoram State Budget a pharh a. Kum 2019-20 Mizoram Budget hi a vaiin cheng vbc. 10,692.30 a ni a; Mizoram sawrkar Flaship Programme, SEDP atan cheng vbc. 750 dah a ni.

Nimin a Finance Minister, Chief Minister ni bawk Zoramthanga'n a pharh tak kum 2019-20 chhunga Mizoram Budget pumpui cheng vbc. 10,692.30 hi kum 2018-19 budget vbc. 9672.64 aiin vbc. 1,019.66 (9.58%)-in a tam zawk a. Chief Minister chuan, “CSS a\angin cheng vbc. 1902.66 hmuh beisei a ni a, CSS doletna tur sum kan ngah tawk \hin loh avangin sum intumsem dan tura ruahman zinga State in zaa sawm (10%) a tum ve tur chi ni lo chu kan bawh ngam vak lo thung a, Scheme pawimawh bikah erawh chuan state in za a 25, za a 40 a tum chang pawh a awm tho,” a ti.

Finance Minister chuan, kum 2019-20 chhunga Mizoram sawrkar leiba zat tura beisei chu cheng vbc. 8,447.92 a nih thu sawiin, chu chu GSDP a\anga chhutin za a 32.66 a nih thu a sawi a. “GSDP a\anga teh-a a kum tela kan leiba neih zat tlahniam zel hi thil lawmawm tak a ni a, kan phurrit tizangkhai tura theihtawp lo chhuah tawhtute zawng zawng chungah lawmthu ka sawi a, fak an phu takzet in ka hria,” a ti. Kum 2015-16-a leiba chu cheng vbc. 6,407,39 a nih laiin, GSDP a\ang chuan 41.77& a ni a, kum 2016-17 a leiba Vbc 6,725.02 a nih laiin, GSDP a\ang chuan 41.09% a ni. 2017-18 a leiba Vbc 7,300.31 chu GSDP a\angin 41.15% niin, 2018-19 (RE) a leiba Vbc 7,992.34 chu GSDP a\angin 35.89% a nih thu a sawi bawk.

Finance Minister hian House-a Budget a pharh zawhah Assembly Recess Room-ah thuthar thehdarhtute a kâwm nghal a, he hunah hian Finance Minister, Zoramthanga chuan, sawrkar flagship pui ber SEDP a cheng Vbc 750 dah bak sum hman tur chu a \ul dan a zira hman theih turin Untied Fund-ah dah a ni tih a sawi a, project lian ber SEDP chu central a\anga proejct siam a pawhluh an tum thu sawiin, State leh Union Territory te hman turin hmasawnna hna thawhna tur vaibelchhe nuai bi central ah dah a ni tih a sawi a, “Heng sum te hi project siam thiam leh hnathawk chak te hman tur a ni,” tiin, “Kan budget hi chu a chi a ni," a ti bawk.