Zawlpui phai a\angin cheng nuai 280 vel lalut

Serchhip Agriculture & Horticulture Cooperative Society Ltd. chuan tun kum kalta a Thlasik Thlai an chinna a\angin cheng nuai 280 vel an lakluh thu an sawi.

Serchhip Zawlpui Phai-a Thlasik thlai chingtu inzawmkhawm, Serchhip Agriculture & Horticulture Cooperative Society Ltd. hian nimin khan Lalpuithanga Hall, Serchhip Chhim Veng-ah General Assembly neiin kum kalta chhunga an hmalakna thlirletin hmalak zel dan tur an sawiho a. He hun hi an Society Chairman, PC. Siamliana chuan kaihruaiin Serchhip Agriculture & Horticulture Cooperative Society Ltd. ah hian Serchhip Zawlpui phai-a Thlasik thlai chingtute leh Leilet neitu mi 250 vel telin an pawl hruaitute chuan kum kalta a Thlasik chhung khan thlai chi hrang hrang an tharchhuah hralhna a\angin cheng nuai 280 vel an hmuh thu an sawi a. An thlai chin zingah Zikhlum chu hralhchhuah nasat ber a nih thu sawiin, heta \ang hian cheng nuai 150 vel hmua an in ngaih thu leh Bawkbawn a\angin cheng nuai 100 vel an hmuh phak thu an sawi a, An\am a\ang pawhin cheng nuai 30 vel an hmuh thu leh heng bakah hian thlai dang chi hrang hrang an chinna a\angin sum engemaw zat an lakluh thu an sawi a. Kumin ah hian kum kalta aiin heng thlai chi hrang hrang hi an thar \ha zawk tih sawiin, amaherawh kumin ah hian a hralhna man a san theihloh avangin an sum lakluh hi a sang theilo tih an sawi bawk.