Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Bazar building sak tur tlawh

Serchhip Sub-Hqrs. YMA Vigilance & Monitoring Committee hruaitute chuan nimin khan Serchhip Bazar Building sak thar tur chu tlawhin hnathawktute nen an hnathawh dan tur an enho.
Serchhip Bazar-a Sa zawrhna atana hman \hin building hi sak \hat tura ruahman niin sawrkar chuan hma a la mek a, he Building sa tur hian George Zoramliana, Aizawl chu thlan niin kumin kumtir lam a\ang khan hmalak \an niin tunah hian a building hlui chu \hiah fel a ni tawh a, he building sakna tur hian cheng nuai 100 ruahman niin tuna Bazar building awmsa nena ding \hiang tura ruahman niin Kawng ^n nen chhawng li tura ruahman a ni a, YMA hruaitute hian helai hmuna hnathawh viltute nen hian hnathawh dan tura ruahman te an thlirho bawk.
He building sak mek enkawltute chuan sum ruahman hi a tirah chuan cheng nuai 160 a nih thu sawiin, amaherawh chu siam\hat leh a nih hnuah cheng nuai 100 a ni ta zawk tih sawiin, Serchhip khawtlang tana ro tling tur a nih avangin a \ha thei ang bera sak an duh thu an sawi a. Nimin a\anga ban phun an tum pawh a ban khur chu YMA hruaitute hian a thuk tawklo deuh nia an hriat thu sawiin, a ban khur hi khuar belh leh nghal a ni a. An hnathawhna hmunhma hi a zim deuh avanga bungraw chhekkhawlna hmun an neih loh avangin an bungraw chhekkhawl te pawh mipui ten lo hrethiam hram hram se an duh thu an sawi bawk.
Serchhip Sub-Hqrs. YMA Vigilance & Monitoring Committee hruaitute hian nimin vek khan PWD Serchhip Division-a EE chu hmuin PMGSY hnuaia Hriangtlang kawng laih meka harsatna awm te an sawipui bawk.

Comments

Chhiar Hlawhte