Lengpui Airport tihchangtlunna tur CM in en

Chief Minister, Zoramthanga chuan Inrinni khan Lengpui Airport tlawhin Airport tih-changtlunna tura hmalakna kal mek te enpuiin, ruahmanna siamte chu Airport Authority of India (AAI) aiawhte leh Aviation Department hotute nen an sawiho.
Mizoram-a Airport awmchhun Lengpui Airport tihchangtlunna tur hian hmalak mek niin Thlawhna park-na area zauhna tur te, Thlawhna hijack emaw, chhiatna dang a thlen thula Airport a thlawhna dang tibuai lova a hranga park tirna tur hmun siam hna te, Thlawhna thlawkchhuak tur engine fail a awm palh pawha accident a thlen loh nana runway tawpa zawl thui zawka siam tur leh Doppler Very High Frequency Omni Range (DVOR) Hmunpui khua tlangchhip a vuah tura hmalak mek a ni a, heng hmalakna hrang hrang pali te hi kum kalta a\anga hmalak \an niin tunah hian DONER Ministry a\anga sum hmuhin a daihloh avanga la zawh loh a ni a. State a\angin sum engzat nge he hna zo tur hian sen belh ngai dawn tih te he hunah hian sawiho a ni. Heng bakah hian, Runway tihsei belh theih dan tur leh Runway surface khawk tawh leh rualrem lo lai te chei\hat dan tur te en nghal a ni a. DVOR thar bunna tur Hmungpui tlang a mi pawh a hmunah a kalin a en a ni.

Comments

Popular posts from this blog

PAN CARD an tih teh fo hi - Laldinpuia