Ration Chini sem tur Supply Minister in a vailiam

Food, Civil Supplies & Consumer Affairs Minister, K.Lalrinliana chuan Inrinni khan Zuangtui Godown a\angin man tlawm zawka Chini hralh tur phurtu motor pahnih a vailiam.
Motor vailiamna puala inkhawm neih ah Supply Minister K.Lalrinliana chuan Retailer te kaltlanga Supply Department in Chini man tlawm zawka a hralh \hin chu hun engemaw chen tihtawp anih hnuah tunah bul an \an \ha leh thei ta chu thil lawmawm tak a nih thu a sawi a. Mi rethei te’n Chini an mamawh ang te man tlawm zawka an lei theih chu Chief Minister Zoramthanga ngaihpawi mawh ber pakhat anih bakah sawrkar intiamna a nih thu a sawi bawk. Suppy Minister chuan sawrkar laipui a\anga Mizoram State-in Chini sem theihna allocation a neih chu AAY beneficiary te tan thla khat a chhungkaw khatin kg. 1 zel an dawn theihna chauh a nih hnuah leh budget engmah hman tur a la awm bawk si loh avangin AAY beneficiary te tana awm hi a dawngtur dik takte hnenah sem phawt \ha bera hriat anih avangin ruahmanna siam a ni ta niin a sawi bawk.
Minister hian Lungdai SDC, Kawnpui SC, Kolasib PDC, Vairengte SDC leh Bairabi SDC a dah tur chini quintal 72.50 phurtu truck leh Aibawk PDC-a dah tur quintal 25 phurtu Truck te a vailiam nghal a ni.
Mizoram sawrkar chuan mipuite hnena Chini sem turte supply tur hian MIZOFED a thlang a, March thla khan Supply Order pawh tihchhuah vek tawh a ni a, MP inthlan puan a nih avangin Model Code of Conduct puan ani zui a, hei vang hian Chini sem hi kalpui nghal theih ani ta lova, inthlan zawhfel anih veleh Chini sem theihna tur hian hmalak nghal niin tunah hian AAY chhungkuate hnenah thla thum (3) quota (January - March, 2019) sem theih tura peihfel a ni ta a ni. AAY Scheme hnuaiah hian beneficiary chhungkua 26100 an awm a, anmahni bialtu retailer te hnen a\ang Chini hi kg. 1 Rs. 24/- zelin an lei thei ang.
AAY beneficiary Chini man tlawma lei thei hi DCSO Aizawl West hnuaiah 3269, DCSO Aizawl East hnuaiah 3815, DCSO Champhai hnuaiah 3558, DCSO Kolasib hnuaiah 2322, DCSO Lawngtlai hnuaiah 2220, DCSO Lunglei hnuaiah 4056, DCSO Mamit hnuaiah 1878, DCSO Siaha hnuaiah 2285 leh DCSO Serchhip hnuaiah 1958 an awm a ni.
Govt. of India, Ministry of Consumer Affairs, Food & Public Distribution hnuaia End-to-End Computerization of TPDS Operations Scheme huamchhunga Component-I zinga mi Supply Chain Automation (application of FEAST Software) chu Mizoram-ah pawh bul\an a ni tawh a, a hmasa ber atân FCI - Food Storage Depot (FSD), Tanhril leh GMG Zuangtui (Supply Deptt. PDC lian ber) chu he FEAST Software hmang hian thlun zawm a ni.

Comments

Popular posts from this blog

PAN CARD an tih teh fo hi - Laldinpuia