MJA in I&PR Director thlahna leh lawmna nei

MJA General Hqrs. chuan nimin khan Ai-zawl Press Club-ah I&PR Director pension ta, David L. Thangliana thlahna leh Director thar, Lallianpuii lawmpuina hun an buatsaih.

Nimin a he hun hman hi MJA Vice President, Lalrem-siama chuan kaihruaiin MJA General Hqrs. Pre-sident, Zonunsanga Khiangte chuan I&PR Director pension-a chhuak ta, David L. Thangliana chu Journalist-te ngaihventu leh an tana \ha-hnemngai em em \hin a ni tih sawiin, a hunlaiin MJA tan project Site Cisit a buatsaih sak \hin thu leh hei hi mipui, sawrkar leh chanchinbumite tan thil \angkai tak a nih thu a sawi bawk.

MJA President chuan I&PR Director thar, Lallianpuii chu a nulat lai a\anga chanchinbu lama sulhnu nei tawh a nih thu pawh sawiin, I&PR leh sawrkar programme pawimawha an hman \angkai em em lo ni reng tawh \hin a nih thu te, Journalist-te harsatna hrethiama an harsatna sukianga an mamawhte phuhruk tura theihtawp chhuah tu a nih thu a sawi bawk.

He hunah hian I&PR Director kalchhuak ta, David L. Thangliana chuan Journalist-te chu eng sawrkar pawh lo awm mah se, ram hmasawnna tura sawrkar policy a hlawhtlinna tura thawktu pawimawhte zing ami an ni tih hrereng a, a sawi-chhiat lam ngawt aiin mipui tana chak zawka kalpui a nih theihna tura thawhpuitu ni zawk turin a sawm a. I&PR Director thar, Lallianpuii pawhin, “Nangmahni enkawl turin min lo kuang-kuah hi ka lawm a. Department hotu dangte nen pheikhai rual takin, harsatna awmte pawh su ho zelin, thil \ulte kan ngaihtuah ho zel ang,” a ti bawk.

He hunah hian MJA Vice President a nih lai kumin March 15-a chatuan ram pan ta, R, Lalhmangaihzuala, Editor, Romei chhungte hnena sawrkarin ralna (Ex-Gratia) Rs. 1,50,000/- chu hlan nghal a ni bawk.