Mizoram sawrkar Flagship Programme SEDP kalpuina atan cheng nuai 75,000 dah a ni

Nimin a Mizoram Assembly Budget Session-a sawrkar kumthar atana Mizoram sawrkar Budget Finance Department changtu Chief Minister, Zoramthanga’n a pharh takah Sawrkar Flaship programme - Socio-Economic Development Policy (SEDP) kalpui nan cheng nuai 75,000 (Vbc. 750) dah hran a ni.

Nimin a Mizoram Assembly Budget Session-a sawrkar kumthar-a Mizoram sawrkar Budget pharh paha thu a sawina ah Finance changtu Chief Minister, Zoramthanga chuan sawrkar Flaship programme - Socio-Economic Development Policy (SEDP) kalpui nan cheng nuai 75,000 dah a nih thu leh SEDP chu a dawng tur thlan ni lovin hnathawk turte hnenah project ruahmanna siama kalpui tur anih thu a sawi.  SEDP kalpuina tura sum ruahman a\anga hmalakna tur sawrkarin a ngaih pawimawh zual a sawilan te chu, District thar 3 a DC Office dinna atan cheng nuai 450 dah a ni a, DC Office pakhat chan tur chu cheng nuai 150 zel niin District 3-a SP Office din nan cheng nuai 65 \heuh, a vaiin cheng nuai 195 ruahman a ni. Hengte bakah hian District ding tir inrelbawlna mamawh hrang hrang phuhruk nan cheng nuai 855 ruahman tel a ni.
Health & Family Welfare Department hnuaia post ruak engemawzat hnawhkhah a nih theih nan cheng nuai 5,000 dah a ni bawk a, zirtirtu indaihlohna phuhruk nan cheng nuai 3,000 dah hran a ni bawk. Kawng tlabal leh chhe lutuk thawm\hat nan cheng nuai 15,000 dah a ni a, Mizoram Health Care zawmtute Medical Re-Imbursement chinfel zung zung a nih theih nan cheng nuai 2,000 dah niin, sawrkar hmasa NEDP, SPP leh thil dang kaltlanga project alo \an tawhte enkawl zui nan cheng nuai 11,000 ruahman a ni bawk.
Kan ei bar dinhmun siam\hat nana thiamna mamawh hrang hrang (Skill development) chher hriam nan cheng nuai 500 dah ni bawkin, SEDP hnuaia hna tam zawk chu project anga kalpui tum a ni a, Department leh thiamna bik nei ten project report te siamin chung tihhlawhtlinna tur sum min pe theitu chu rampawn thlengin dap a ni dawn a, chutiang buaipuina atan cheng nuai 30,000 chu SEDP Normal Fund atan dah hran a ni.
|halaite infiamna lama hma an sawn zel theih nan leh hmunhma neih te thuam \hat a enkawl nan SEDP hnuaiah Vbc. 1,000 dah niin, Centrally Sponsored Scheme (CSS), NABARD leh Agency dang dang kaltlanga hmasawnna hna tam zawk thawh a nih theihna turin he scheme doletna tur State Matching Share (SMS) atan cheng nuai 17,000 dah a ni bawk.
MNF sawrkar hmasa in Health Care Scheme alo duan tawh \ha zawk leh changtlung zawka kalpui a nih theih nan Health Care Corpus Fund atan cheng nuai 5,000 dah ni bawkin, infiamna lama theihna bik neite zawnchhuahna atan cheng nuai 150 dah a nih bakah, infiammite cho phurna leh dawmkan zelna tur Incentive Cash Award atan cheng nuai 100 ruahman a ni bawk.
PWD hnuaia Road Fund Board tan kan ramchhung kawng chhe lutuk thawm\hatna turin SEDP hnuaia cheng nuai 15,000 dah a nih bakah cheng nuai 5,000 dah hran a ni bawk a, UD&PA Department kaltlanga Aizawl khawpui chhunga lirthei parking siamna tur, Parking House Support System (PAHOSS) kalpui mek tih hlawh-tlin nan cheng nuai 6,000 dah a ni bawk. 
Hengte bakah hian Lok Ayukta a nih dan tur taka a kal thuai theih nan kum hmasa lama cheng nuai 159.34 lo dah tawh chu tipungin, Lok Ayukta inenkawlna bik atan cheng nuai 371.06 dah a ni bawk a. MLA Local Area Development Fund MLA tinah cheng nuai 50 a tihpun a ni dawn vangin hemi atan hian vbc. 20 dah belh a ni a, a vaiin cheng vbc. 60 kumin budget a\angin dah a ni a. Hemi ang hian Mizoram-a MLA tin ten MLA Fund hi kum khat atan cheng nuai 150 \heuh an nei tawh dawn a ni.

Comments

Popular posts from this blog

PAN CARD an tih teh fo hi - Laldinpuia