PMAY-HFA hnuaia Serchhip-a In sak \anpuina dawng hmasa ber turte thlanfel an ni ta

Pradhan Mantri Awas Yojana-Housing For All hnuaia Serchhip District Screening Committee chu nimin khan Serchhip-ah District Bawrhsap, Sangchhin Chinzah hova \hukhawmin PMAY-HFA hnuaia In sak \anpuina dawng hmasa ber tur mi 404 te an thlang fel.

Serchhip DC’s Conference Hall-a PMAY-HFA Serchhip District Screening Committee \hutkhawm ah hian District Bawrhsap, Sangchhin Chinzah chuan PMAY-HFA Scheme chu kum 2022 thleng kalpui tur a nih avangin chak taka hmalak a \ul tawh thu sawiin, he ruahmanna hnuaia \anpuina dawng tur zawng zawngte chu thlan fel an nih tawh thu leh tun \umah hian a hmasa bera dawng turte thlan mai tur a nih avangin thil harsa a nih loh thu a sawi a. Inthlanpui kan neih avang leh Mizoram State Assembly \hutkhawm neih zui a nih avanga Meeting neih mumal theihloh a nih avangin hun an neih veleh Meeting hi kovin chak taka hmalak a \ul thu a sawi bawk.
He hunah hian District Urban Development Officer (DUDO), Vanthangpuii chuan PMAY-HFA hnuaia an hmalakna kalmek tarlangin PMAY-HFA chu India Prime Minister in August 15, 2022-ah ramchhunga In neilo ten In an neih vek theihna tura Scheme a hawn a nih thu sawiin, he Scheme-ah hian Component 4 awmin heng zinga 2- Beneficiary-Led Construction (BLC) leh Credit-Linked Subsidy Scheme (CLSS) te kalpui a nih thu sawiin, he ruahmanna hnuaia \anpuina dawng thei te a sawifiah a. Tun \umah hian BLC hnuaia \anpuina dawng turte thlanfel tur a nih thu pawh sawiin, BLC-ah hian kum 2016 khan Survey neih a nih tawh thu sawiin, 1st DPR-ah Serchhip khawpui chhunga mi 1012 leh North Vanlaiphai-a mi 346 te \anpuina pek tur an nih thu leh tun \umah hian 1st Phase-a dawng tur Serchhip a\angin mi 404 leh North Vanlaiphai a\angin mi 137 chhawp-chhuah an nih thu a sawi a. Heng mite tan hian sum pawh dawn fel ni tawhin District thuneitute hnenah a awm tawh thu leh Thenzawl erawh tun \umah hian a tel dawnloh thu a sawi a. 1st Phase zawhfel a nih veleh hian 2nd Phase kalpui a nih leh dawn thu a sawi bawk.
Nimin a District Screening Committee \hukhawm hian Serchhip khawpui chhung VC hrang hrang 11 leh North Vanlaiphai a\anga he \anpuina dawng tura chhawpchhuah te chu pawmin, VC ten an huamchhunga en\hat leh ngai nia an hriat mi tlemte chu Department lamin lo enfiah leh se an ti a. Heng mite tan hian Intiamkamna ziah leh a ngaih avangin karleh chhungin \anpuina dawng tur ten VC te hnenah hei hi lo ziak felin Intiamkamna ziak fel te chu \anpuina 1st Instalment, Rs. 60,000/- zel pekchhuah theih nghal an ni dawn a, hemi atan hian karleh Thawhlehni khian Auditorium-ah Sensitization buatsaih nise an ti bawk.
PMAY-HFA hnuaiah hian In sak \anpuina dang tur, 2nd DPR pawh tunah hian tihfel ni tawhin 1st DPR tihfel a nih veleh hian \anpuina sem tura hmalak zui tura ruahman a ni a, 2nd DPR ami te \anpuina tur sum hi sawrkar laipui chuan State sawrkar-ah rawn pechhuak tawhin hun reilote ah District-ah sum hi hlan theih beisei a ni a. 1st DPR leh 2nd DPR-a In sak \anpuina dawng hmanlo te tan hian sawrkar chuan 3rd DPR buatsaih leh tura hma lain tun thla ni 15 hma khian tihfel hman a ngai dawn a. Hemi bawhzui dan tur pawh hi nimin Meeting-ah hian relfel nghal a ni bawk a. PMAY-HFA hnuaiah hian In la neilo leh sak \hat ngai, kum 5 tal an awmna-a lo cheng tawh, kum khata cheng nuai 3 lalut phaklo tan In sak \anpuina hi dil theih a ni.
Nimin a PMAY-HFA Serchhip District Screening Committee \hutkhawm ah hian Addl. DC, Chuauhnuna leh SDO (Sadar), R. Vanreng-puia te bakah UD&PA Department-a a buaipuitute leh he Scheme in a huamchhung VC hrang hrang aiawhte an tel a ni.

Comments

Popular posts from this blog

PAN CARD an tih teh fo hi - Laldinpuia