Lenkawl

Serchhip District Volleyball Association buatsaih Season Opening Tournament chu nimin khan Semi Final khel zovinVawiin-ah Final khelh a ni dawn a.

Aizawl leh Jampui inkara MST Bus Service tur chungchangah Mizoram sawrkar-a Transport Department hotu \henkhat te chuan Ningani khan Zampui tlang tlawhin NGO hrang hrang aiawhte an kawm a. Tripura Group YMA President, J. Lalthangmawia chuan hemi chungchanga Mizoram sawrkar hmalakna chu lawmawm an tih thu a sawi a. Jampui NGO aiawh te chuan a tira ruahmannaah chuan Jampui laili Behliangchhip khuaa Station dah tura tih nimahse Jampui tlangdung tluanin an chhawr \angkai zawk beiseiin Phuldungsei thlenga tlantir ni se an duh thu pawh lo thlenin October thla velah Trail Run nei hman turin an ngen bawk.

Mizo Zirlai Pawl (MZP) buatsaih Inter-College Folk Dance Competition kharna inkhawm chu nimin khan neih a ni a, he hun hi Art & Culture Minister, R. Lalzirliana chuan khuallian niin a hmanpui a ni.

New Delhi-a cham mek Chief Minister, Zoramthanga chuan sawrkar laipuia Minister of State for Health and Family Welfare, Ashwini Kumar Choubey chu kawmin mipui hriselna in hma a sawn theih nana hmalakna hrang hrangte an sawidun.

Mizo Zaimi Inzawmkhawm (MZI) chuan nimin khan an dinchampha an lawm a, MZI Hqrs. Serchhip te pawhin CMS Picnic Spot-ah an dinchampha hi lawmin chawhma lamah Item chi hrang hrang hmangin intihsiakna an nei a, chawhnu lamah he Ni puala inkhawm tawi neiin infuihtharna hun an hmang a, tlai lamah zanriah an kilho nghal bawk.

SSA Mission Serchhip District buatsaihin Serchhip Block huamchhunga Middle School leh Primary School-a Mid-Day Meal Incharge te tan nimin khan Cook-cum-Helper Training neih a ni.

Tunkar chhung awh Serchhip District High School Sports Meet Vawi 17-na chu nimin khan zawhfel niin Govt. Lallengvunga H/S, Thenzawl chu an champion.

Serchhip Farming Cooperative Society in an kalpui tur, Primary Agricultural Credit Society (PACS) Cell chu nimin zing khan MJA Serchhip District President, C. Ramengmawia chuan a hawng.

Serchhip District-ah mi 6 in Mit an pe tawh http://lenkawl.khampat.com/ Rampuma 34th National Fortnight on Eye Donation hman mek denchhenin nimin khan Serchhip DIET-ah midangte tana Mit pek pawimawh zia inzirtirna neiin thih hnua midangte tana Mit pe tura intiamna thu chhamrual a ni a. Serchhip District-ah midangte tana thih hnua Mit pe mi 6 an awm tawh a ni.

Mizoram Pradesh Congress Committee (MPCC) chuan High Court-in Tlungvel VC \hiahna Order a hnawl nia sawiin, MNF party in thu diklo an puangzar niin an sawi.

Rohingya raltlan Bangladesh-a awm mek zinga bumchhuah tlei-rawl pathum (3) te chu a ruka Silchar a\anga Myanmar-a luhpui tum an nih laiin Thawh\anni zan khan Zokhawthar-a Hotel pakhat-ah anmahni buaipuitu vai pakhat, Faraq Ahmed (19), Karimganj lam ni nia insawi nen man an ni a, hmeichhe tlairawl te hi kum 13 leh 14 mi te niin Observation Home-ah dah an ni a, a buaipuitu hi Jail-ah dah a ni thung.

Mizoram Pradesh Youth Congress Committee (MPYCC) chuan MNF sawrkar chu Mizoram in Central Pool Quata-a MBBS Seat a neih leh nana hma la tura an phut thu an sawi.

Prime Minister, Narendra Modi chuan nimin khan Indira Gandhi Stadium Complex, New Delhi-ah 'Fit India Movement' a hawng a. Hemi denchhen hian nimin zing khan Aizawl Sipai Lammual-ah 'Fit India Run Mizoram' chu Deputy Chief Minister, Tawnluia hovin neih a ni.

School Education Minister, Lalchhandama Ralte chuan tunlai khawvel kalphung tharah \halaite tan dam khawchhuak turin Political Fitness a \angkai tawh lova, a tak taka fit nih a ngai tawh, a ti.

Excise & Narcotics Minister Dr. K. Bei-chhua chuan Vairengte Joint YMA hmalakna a ruihhlo chi hrang hrang halralna hun nimin khan Vairengte Joint YMA Playground-ah a hmanpui a, heng an ruihhlo halral te hi Heroin No. 4 cap 226, NAP Strip 110, Alprozolam strip 15 bakah Sap zu um 268, beer can 54, rakzu leh Ganja bakah Dawidim te niin a vaiin Rs. 14,93,362/- hu zet a ni.

UPSC Challenge Inter College Quiz Competition 2019 chu Aizawl-ah neih mek niin Govt. Serchhip College chuan Semi Final an thleng ta a. UPSC Challenge Inter College Quiz Competition 2019-ah hian nizan hmasa khan Govt. Serchhip College chuan Govt. T. Romana College chu Quarter Final-ah hnehin Semi Final hi an lut a, zanin ah Govt. Champhai College nen Semi Final-ah hian an inhmachhawn leh ang. He inelna hi LPS Vision leh ZONET chuan Live in a pechhuak \hin a ni. Heng College pahnih bakah hian Pachhunga University College leh DIET Aizawl te chuan Semi Final hi an lut bawk a ni.

Serchhip Sub-Hqrs. YMA hruaitute chuan nimin khan 8th Assam Rifles Commandant kawmin Sipai lakna neih leh tura Pre-Recruitment Rally neih chungchang an sawipui.

Serchhip District Anti-Tobacco Squad chu nimin khan Serchhip District Bawrhsap hova \hukhawminnasa lehzuala Squad Drive neih chhunzawm an rel a. Kumin April ni 1 a\anga nimin thleng khan Serchhip District Anti-Tobacco Squad hian dan bawhchhia a meizu mi 110 an man tawh a ni.

Serchhip khawpui chhunga Pradhan Mantri Awas Yojana (Housing For All) kalpui mekah a hmasa ber atan chhungkaw 404 te hnenah \anpuina hmasa ber pekchhuah ni tawhin hemi hmang hian chhungkaw tam takin In sak hna an thawk mek. lenkawl.khampat.com

Mizoram-a Hmeichhe insuihkhawmna pawl lian ber, Mizo Hmeichhe Insuihkhawm Pawl (MHIP) General Hqrs. hruaitu thlan chungchanga harsatna a awm hnuah nimin khan hruaitu thar thlanna hi neiin President atan Lalthlamuani, Kanan Veng chu thlantlin a ni.

Nimin khan SEDP kalpuina atana ruahman, Veterinary, Fishery & Sericulture Board chu an Chairman, Dr. K. Beichhua pisa-ah an \hukhawm.

Mizoram chhunga Sports Association hrang hrang hruaitute tan niminpiah tlai khan  Mizoram Sports Policy 2019 chungchang sawihona neih leh a ni a, he hun hi Sports Minister, Robert Romawia Royte chuan a hmanpui a ni.

Agriculture Department-a thawk Officer te chu nimin khan Directorate of Agriculture Committee Room, Aizawl-ah an inhmukhawm a, he hun hi Agriculture Minister, C. Lalrinsanga chuan a hmanpui a ni.

Niminpiah zing-a Serchhip leh Thenzawl in-kara Savawm in nasa taka a hliam, Thangliana Serchhip Darnam Veng chu Falkawn damdawi In ah enkawl mek niin dinhmun ngaihtuahawm lutuk-ah erawh a awmlo nia thudawn a ni a, nimin khan Serchhip bialtu MLA, Lalduhoma pawhin a tlawh a ni. Hetihlai hian Vanduaina tawk te \anpuina pe duh ten awlsam zawka an pek theih nan ruahmanna siam niin Serchhip Dar-nam Branch YMA President, C . Lalengzauva (Ph. No. 6009074396) leh Treasurer, Vanlal-ruati (Ph. No. 8730834651) bakah K. Zonunpuii d/o K. Laldaihvela(Airtel Agent, Bazar Veng, Ph. No. 9910232389)-ah te pek theih a ni.

 Serchhip Bazar a\anga Tuizem dum-kawn (Field Road & Vengchung Road junction) panna kawngpui via District Hospital, Serchhip-a District Hospital OPD kawtah PWD Sub-Division ten Cross Drain siam hna chu naktuk, August 30, 2019 a\ang hian an thawk dawn a, hei vang hian Serchhip District SP, Karthik Kashyap, IPS chuan thupek tichhuakin helai kawngah hian naktuk August 30, 2019 a\anga September 5, 2019 thleng lirthei eng chi mah tlan phal a ni lo tih a tarlang a, he kawng hmang \hinte chu Tuikhuah Veng to Tuizem dum-kawn lamah tlan tura hriattir an ni. He thupek hian Emergency thila motor tlan, Law & Order duty, Security duty leh chhiatna thlenga Emergency duty te a huam lo thung ang.

 Serchhip District-a Auto Rickshaw neitu inzawmkhawmna pawl, Serchhip Auto Rickshaw Owners Association chuan nimin khan Serchhip District Park-ah an dinchampha lawmna neiin nilengin hun an hmang a. An dinchampha lawmna pual hian nimin zing dar 7:00 a\anga zing dar 9:00 thleng khan Serchhip Auto Rickshaw Owner's Association Member te hi Sailiam-kawn leh Kikawn inkar-ah a thlawnin an service bawk a, mipui ten an chhawr \angkai hle a ni.

Serchhip-III Village Council chuan nimin zing khan Lalpuithanga Hall-ah Vantlang Inkhawm ko in Faina kawnga hmalak dan tur leh MGNREGS inhlawhna awlsam zawka an lak theih dan tur an sawiho bakah Tuihna humhalh chung-chang leh Mau chin dan tur chungchang an sawiho.

State Institute of Rural Development & Panchayati Raj (SIRD&PJ) Mizoram buatsaih Serchhip RD Block huamchhung Village Council te tana Training chu nimin khan Serchhip Tarpi Tlang-a DPRC-ah neih \an a ni a, Serchhip DRDA Project Director, H. Dolianbuaia chuan he training hi a hawng a ni.

Serchhip District Volleyball Association buat-saih, Season Opening Tournament chu nimin khan Serchhip Vengchung Volleyball Court-ah khelh \an a ni.

Serchhip District High School Sports Meet vawi 17-na chu nimin khan DC Playground, Khaw-tetlang-ah neih \an a ni ta, tunkar Zirtawpni thleng a awh ang.

Serchhip Sub-Hqrs. YMA in kumin Fur ruahtui tla avanga harsatna tawk te tana Vehbur an khawn chu nimin tlai khan vanduaina tawk chhungkaw 9 te hnenah semchhuah a ni.

BJP Mizoram Pradesh President, Prof. JV. Hluna chuan Mizoram chhim lamah BJP tan kawl a eng zel niin a sawi. lenkawl.khampat.com

* Midang tana mit pek tum 6894 awm tawh Nimin khan Sekawn Hospital, Lunglei-ah 34th National Fortnight on Eye Donation pualin hun hman a ni a, he huna tarlan a nih danin Civil Hospital Aizawl-a Eye Bank din anih hnuah Mit donate tura intiam mi 6894 an awm tawh.

MNF Party chuan MNF sawrkar in Tlungvel VC a \hiahna Order Gauhati High Court in a tihtawp anga sawi chu thu diklo a nih thu sawiin, Court hian Tlungvel VC-te chu \hiah an nih lohna chhan tur in sawifiah turin a ti zawk niin an sawi.

Aizawl South-II bialtu MLA, Lalchhuanthanga chuan kan ram dinhmun thlirin kawng hrang hrangin mipui rilru a beidawng tawh nia sawiin, ZPM chu Zoram mipui beisei awmchhun leh innghahna a nih thu a sawi.

Bairabi Zophai ramri buai chungchangah nimin khan Kolasib DC, Zoengsanga leh Hailakandi DC, Kriti Jolly te chuan Bairabi PWD IB-ah inbiakna an nei.

Inter-Club Boxing Championship chu nimin a\ang khan Kolasib-ah neih a ni a, tunkar Zir-tawpni khian zawhfel tura ruahman niin Serchhip District a\ang pawhin Boxer 35 zet an kal.

PHE Department chuan nimin khan Hmun\ha leh Khawbel-ah Swachh Survekshan Grameen-2019 chungchang leh ODF Sustainablity chung-chang inzirtirna hun an buatsaih.

Serchhip Block Congress Committee chuan nimin khan Lalpuithanga Hall, Serchhip Chhim Veng-ah Committee neiin MPCC in Block te October thla ralhmaa inthlang tura a tih angin Sept. 6, 2019 khian inthlanna neih nise an ti. Hei bakah hian Congress Block Committee hian VC area mil-a Unit in\hen \ha an tih thu pawh sawiin, hemi tur hian hmalak nise an ti a. Electoral Roll siam\hat hna thawh turah kum tling chin thun vek an nih theih nan hmalak nise an ti bawk.

Serchhip Sazuar Association chuan nimin khan an pawl dinchampha vawi 32-na lawmin hruaitu thlanna an nei.

Tunhnaia Serchhip District chhunga dan lova Vawk lakluh 9 te chu PRRS vei an ni tih hmuhchhuah a nih avangin tihluma phum vek an ni a. Hetihlai hian tunhnaia Aizawl District chhunga Vawk an man zinga PRRS vei te pawh Magistrate thupek angin tihhlum vek a ni bawk.

Women & Child Development Department in Poshan Abhiyan (National Nutrition Mission) Award 2018-2019 ah 'Overall Excellence in Implementation' leh 'ICDS-CAS Implementation' a dawn chu nimin khan Women & Child Development Minister, Dr. K. Beichhua pisa-ah a lawmna hun hman a ni. lenkawl.khampat.com

 Serchhip Ar Vulh Association (SAVA) leh Serchhip Bazar-a Arsa sattu ten Ar puahloh lakna man chungchanga thu inhmulo an neih ah inremna an la siamtheih loh avangin Inrinni khan SAVA hian Ar puahsa hi a man tlawmin an zuar leh a. Hetihlai hian Arsa sattute chuan Inrinni ah an sa hralh tlem hret mah se harsatna liantham an tawhloh thu leh Ar lak turah pawh harsatna an la tawh loh thu an sawi thung.

Serchhip Sub-Hqrs. YMA chuan kumin Fur ruahtui tla tuartute tana Vehbur an khawn chu naktuk, Thawhlehni khian vanduaina tawk te hnenah semchhuah nise an ti.

Kumin a YMA General Conference thlengtu tur, North Vanlaiphai Joint YMA chuan YMA General Conference neihna tur Pandal sak hna an thawk \an a. September 7 khian a ruhrel chu sak zawh hman beisei a ni. lenkawl.khampat.com

Congress Party |halaite chuan Aizawl khaw-pui bawlhhlawh sawngbawlna mumal engmah a awm lo niin an sawi.

Mizoram-a kum thum chuang zet rawn awma Hnahthial SDO (Civil) leh Aizawl DC pawh ni tawh, 2012 AGMUT Cadre IAS Officer, Kannan Gopinathan chuan Advisor to Administrator, UT Administration of Daman & Diu and Dadra & Nagar Haveli Daman kaltlangin Secretary, Government of India, Ministry of Home Affairs hnenah banna a thehlut.

Mizoram sawrkarin tun thla, August ni 6-a Tlungvel VC a \hiah chu Tlungvel VC te Gauhati High Court ah zualkoin, High Court chuan sawrkar in Tlungvel VC a \hiahna Order chu a titawp nia sawi a ni a. Hetihlai hian Court Order-ah chuan hetiang hi a awmlo nia thudawn a ni.

Environment, Forest & Climate Change Minister, TJ. Lalnuntluanga chuan sawrkar laipui in Indian Forest Act (Amendment Bill) 2019 a duan ah State sawrkar te an ngaihdan thlen tura a rawn angin hemi chungchangah hian sawrkar chuan tlawmngai pawl te ngaihdan lak mek a nih thu a sawi a.

Kei\um Branch YMA chuan kar kalta khan an huamchhunga chhungkaw pakhat chenna In tur an sak sak.

Chief Minister, Zoramthanga chuan Civil Aviation Minister leh Ministry of Housing and Urban Affairs changtu, Hardeep Singh Puri chu a pisa-ah kawmin Mizoram mamawh hrang hrang a sawipui.

Asia khawchhak lama Vawk natna leng mek African Swine Fever (ASF) chuan Mizoram a la thleng lo nia hriat a ni a, \henawm Myanmar-ah he natna hi hmuh a nih tawh avangin Mizoram pawh he natna hi thleng thei reng a ni tih AH & Vety thawktute chuan sawiin, hei vang hian Myanmar a\anga Vawk lakluh chu a him tawhlo niin an sawi.

Serchhip Sub-Hqrs. YMA Executive Committee in kumin Fur ruahtui tla avanga |huthmun Branch leh direct-a awp Branch huamchhunga In leh lo chan te \anpui nana Venbur khawn a rel angin |huthmun Branch leh Direct-a awp Branch 28-ah Vehbur hi khawn niin a vaiin Rs. 300,705/- hmuh a ni a, heng bakah DAO Office, Serchhip in Rs. 15,690/- leh Serchhip District Boxing Assocition in Rs. 1000/- thawhin sum leh pai thawhtu leh Vehbur khawntu YMA Branch te chungah Serchhip Sub-Hqrs. YMA chuan lawmthu an sawi bawk.

Nehru Yuva Kendra (NYK) Serchhip District hnuaia Youth Club te tana Faina kawnga hmalaknaa inelna, Swachh Bharat Summer Internship (SBSI) 2.0 - 50 hrs. of Swachhata Activities-a ti\hate lawmman semna chu nimin khan Serchhip DC Office Chamber-ah neih a ni a. He inelna neih tur atan hian NYK hnuaia Youth Club te chu lehkha thawnin hmalak dan tur hriattir an ni a, June 10 a\anga July 31, 2019 chhung khan inelna hi kalpui niin a pumpuiah Bosgaurus Youth Adventure Club (BOYAC) Serchhip chu pakhatna niin Lungpho chu pahnihna leh Thinglian chu pathumna an ni.

Serchhip District Legal Services Authority (DLSA) chuan nimin khan Serchhip District-a Dan leh thupek kengkawhtute tan ND&PS Act leh MLP Act chungchang zirhona hun an buat-saih.

Home Minister leh Hrangturzo bialtu MLA, Lalchamliana chuan tunkar chhung khan a bial fangin khawtlang hruaitute nen inkawmna an neih bakah Sailulak-ah Government H/S Building thar hawngin, N. Vanlaiphai Area MUP Conference chu khuallian niin a telpui bawk.

Mizo Students' Union (MSU) Hmunzawl Branch chuan Khawlailung leh Hmunzawl inkara Lei dawh chungchangah tun thlenga sawrkar leh a changtu Department a\anga hmalakna ala awm lo chu pawi an tih thu an sawi.

ZPM |halaite chuan Sawrkar Flagship Prog-ramme pawimawh tak tur nia Chief Minister-in a sawi, a changtu tur ber leh engkim hre ber tura ngaih Horticulture Department lamin an hre miah lo chu thil diklo inthup awm ngei nia an ngaih thu an sawi.

Adolescence Education Programme (AEP) hmalak dan ngaituah tura State Level-a thuneitu sang, State Core Committee chu nimin khan Secretariat's Conference Hall, MINECO-ah \hukhawmin hmalak tawhna an thlirlet bakah hmalak zel dan turte an sawiho.

Chief Minister hian niminpiah khan Union Tribal Affairs Minister, Arjun Munda pawh kawmin Mizoram tana thil pawimawh hrang hrang te an sawidun.

New Delhi-a cham mek Chief Minister, Zoramthanga chuan Ningani khan NITI Aayog Vice Chairman, Dr. Rajiv Kumar kawmin Mizoram hmasawnna tura hmalak dan tur kawng hrang hrang a sawipui.

Chief Minister, Zoramthanga chuan nimin khan Union Minister of Finance, Nirmala Sitharaman chu a Pisa-ah hmuin Mizoram tana hmasawnna hna kalpui tur hrang hrang a sawipui.

Health Minister, Dr. R. Lalthangliana chuan nimin khan cheng nuai 6,767 seng a sial Thanlawn-Singhat (Ngopa-Tuivai) road a hawng a. Mizoram sawrkar in kawngpui \ha neih a ngaih pawimawh thu leh kawngpui \ha siam nan sum pawh a theih ang anga dap a nih tur thu a sawi bawk.

Tunkar Thawh\anni zan-a Serchhip District chhunga Dan lova Vawk lakluh man 9 neitu a puh te chu thubuai siam sak an nih hnuah nimin khan Serchhip District Court-ah an chungthu ngaihtuah niin thutlukna siam lovin Bail-a chhuah lailawk tir an ni a, karleh Thawh\anni khian an chungthu ngaihtuah lehin thutlukna siam a ni ang. Heng Vawk man chungchanga an lakna khua, 'Sailulak' tia rawn tarlan kha tihsual palh niin 'Sialhawk khua' tih zawk tur a ni a, tihsual palh ah chhiartute hriatthiamna kan ngen e.

Art & Culture Department leh Mizo Music Domain (MDM)-te \angdunin an buatsaih Inter College Folk Song Competition chu nimin khan Aizawl Vanapa Hall-ah neih a ni a. Art & Culture Department-a Deputy Director leh Mizo Music Domain (MDM) Senior Adviser ni bawk, Lalchuailova chuan he Competition hi hawngin Hnam zai \ha tak tak kan neih te hi chawi lar zel chunga hriat leh thiam tum chu Mizoten kan tih tur pawimawh tak a nih thu a sawi a, khawvel hnam hrang hrang zinga Mizo kan nihna ti langtu pawimawh tak pakhat chu kan hnam zai-te a nih thu a sawi bawk. Inter College Folk Song Competition-ah hian Mizoram-a College hrang hrang 9 a\angin zirlai an tel a, zanin hian a kharna leh lawmman semna neih a ni ang.

Ram pawn a\anga Mizoram a Vawk lakluh khapna thupek chhuah a nih, kumin March 25 a\anga nimin thleng khan Mizoram hmun hrang hrangah dan lova Vawk lakluh 321 man a awm tawh a, dan lova Vawk laluttu ni a puh mi 16 man an ni tawh bawk.

Kawng hrang hranga hleilenna tuar hmeichhia ten an pan theih tur, One Stop Centre atana hman lailawk tur chu nimin khan Siaha-ah hawn a ni.

Serchhip District Sanitation Task Force chu nimin khan Serchhip DC’s Meeting Hall-ah \hukhawmin Mizoram khawpui fai inelna neih tura khawpui fai ber lawmman lak ngei theihna tura beihpuithlak an rel a. Serchhip in khawpui fai ber lawmman a lak theihna tura hmalakna tur hrang hrang ruahman a ni.

Tunhnaia Serchhip Ar Vulh Association (SAVA) leh Serchhip Bazar-a Arsa sattute inkara harsatna awm chu chinfel theih ala ni lo.

PWD chuan Vawiin, August 22, 2019 a\anga karleh Nilaini thleng khian Serchhip IOC Veng a\anga P&E Veng panna kawngpui Police Complex chhunga SP Office panna peng bulah Cross Drain siam hna an thawk dawn a, hei vang hian Serchhip SP chuan thupek chhuahin Vawiin a\anga karleh Nilaini thleng hian zing dar 9:00 a\anga tlai dar 5:00 thleng eng lirthei mah tlan phal a ni dawn lo tih tarlangin, IOC Veng a\anga P&E Veng kal turte chuan Hermon Veng kaltlang in emaw, AOC Veng kaltlangin emaw kal tur a ni ang. He thupek hi kawng hmangtu mipui te zawm \heuh tura hriattir niin thupek hian Emergency thila Motor tlan, Law & Order Duty, Security Duty leh Chiatna thlenga Emergency Duty te a huam lo thung a ni.

Higher & Technical Education Minister, Dr. R. Lalthangliana chuan niminpiah tlai khan Govt. Serchhip College tlawhin zirlaite nen inkawmna an nei a, he hunah hian Minister chuan zirlaite chu Mizorama mi langsar ni tura inzirchhuak ngei turin a chah.

MZP General Hqrs. hruaitute leh North East Students’ Organi-sation (NESO) hruaitute chuan an thudawn bawhzuiin nimin khan College of Veterinary Sciences And Animal Husbandary, Selesih chhunga Zirlaite zinga Junior leh Senior inthliar hranna(Ragging) awm chungchang ah College thuneitute thil awm dan an sawipui a. Hetiang thil a thleng \hin chu pawi an tih thu sawiin, zirlaite chuan Mizoram chhungah zalen tak leh lungmuang takin lehkha zir se tih chu an duhdan a nih thu leh hetiang thil a thleng leh a nih chuan a \ul anga hma an lak zel tur thu an sawi bawk.

Champhai Police te leh 8th Assam Rifles Champhai \angkawp chuan nimin zing khan Silai AK-47 pathum leh Magazine 3 an man.

Ramchhung economy dinhmun leh hma-sawnna tur atana Prime Minister thurawn pe tura a bika din, Economic Advisory Council to the Prime Minister (EAC-PM)-a Member Secretary, Ratan P. Watal leh Adviser, Rajeswara Rao te chuan nimin khan Aijal Club-ah Mizoram Sawrkar hotute kawmin Mizoram Economy \hang tura hmalak dan tur leh hmasawnna chak zawka kalpui anih theihna atana pawimawh te an sawiho. 

Sawrkar laipui in Faina leh thianghlimna kawnga thingtlang khuate dinhmun zirchianna leh inelna ni tura a ruahman, Swacch Survekshan Grameen 2019 (SSG 2019) chu nimin khan PHE Department changtu Deputy Chief Minister, Tawnluia chuan a Pisa-ah a hawng.

Tunhnaia Serchhip Police ten Serchhip District chhunga Dan lova Vawk lakluh an man, Sailulak khua atanga lakluh anga tarlan kha tihsual palh niin Sialhawk khua atanga lakluh zawk a ni e. Chhiartute hriatthiamna kan ngen tak meuh meuh e.

New Delhi-a cham mek Chief Minister, Zoramthanga chuan nimin khan Union Minister pahnih kawmin Mizoram mamawh hrang hrang a thlen a. Heng Mizoram mamawh a thlen te hi lo enzui an tum thu leh a theih anga tih hlawhtlin a nih tur thu an lo hrilh a ni.

Serchhip Police te chuan State pawn a\anga lakluh ni ngeia hriat Sapzu (IMFL) um sang chuang manin Serchhip Police Station-ah thubuai ziahluh a ni.

Serchhip-a awm 23 Sector Assam Rifle/IGAR (E) hnuaia 8th Bn. Assam Rifles te buat-saih in nimin zing khan \halaite tihphur nan Intihhlimna Rally buatsaih a ni a. He hunah hian Govt. High School Serchhip-a Zirlai mi 30 te telin sipaite leh mipuite inkar a thawhhona \ha a awm theih nan leh mipui ten hriselna kawnga hma an sawn nana taksa sawizawi a pawi-mawh zia inzirtirna atan Rally hi neih a ni.

Serchhip Town Development Committee chuan hun rei tak a\anga hma an lo lak tawhna, Serchhip Bazar, Consumer Cooperative Society Dawr kawt a\anga Lower Chanmari panna kawng peng\huam tizau turin nimin khan a bulhnaia ram nei, K. Tlanglawma leh V. Lalchhuana te ram chu Revenue Department hotute nen an teh fel a, ram an tehfel hnu hian helai kawng laihzauh dan tur pawh sawiho zui nghal niin ram neitute chu an bungrua te lo senghawi turin an rel a, hemi hnu hian kawng laih zauh hna hi thawh chhunzawm nghal tur a ni dawn a ni.

Serchhip District Magistrate thupek bawh-chhiaa Serchhip District-a dan lova Vawk lakluh 9 te chu nizan hmasa khan Mualcheng khua ah man a ni.

National Institute of Social Defence (NISD) leh SCERT Mizoram \angkawp buatsaih Ser-chhip District chhunga High School-a Zirtirtute tana Sensitization Programme on Drug Demand Reduction (DDR) chu nimin khan Serchhip DIET Multipurpose Hall-ah neih \an a ni.

Nimin khan PHE Department hotuten Thenzawl mipuite tui thianghlim mamawh phuhrukna tura ruahman, Vanva Dam Pumping Scheme an tlawh.

Nimin khan Union Tourism Ministry huaihawtin Ashoka Hotel, New Delhi-ah National Conference of Tourism Ministers neih a ni a, Mizoram a\angin Tourism Minister, Robert Romawia Royte pawh a tel.

Kolasib District chhunga Chhimluang khua leh Vairengte inkarah dan phalloa sak Kudam 20 chuang a awm tih hmuchhuah a ni.

Asia Pacific Youth Exchange Hanyang University, S.Korea-a hman mek chu School Education Minister, Lalchhandama Ralte chuan niminpiah khan a hawnna hunah hmanpuiin Keynote address a sawi.

Mizoram-a Thlawhna \umhmun awmchhun Lengpui Airport-ah October, 2019 a\angin tuna service mek, Air India bakah Airline dang pathum- Go Air, Indigo leh Alliance Air ten ten service belh an tum.

Mizo Students' Union (MSU) buatsaih 'UPSC Challenge Inter College Quiz Competition 2019' chu zanin hian IGNITE Studio, Aizawl-ah neih \an a ni dawn a, Mizoram hmun hrang hrang a\angin College leh a chunglam zirna In 14 an tel dawn a, Govt. Serchhip College te pawh telin Ningani zan khian DIET Aizawl nen an inhmachhawn ang. He intihsiakna hi Local Cable TV-ah live Telecast-a tihchhuah a ni dawn a, First Round a ti\ha zual 8 ten Quarter Final an lut dawn a ni.

Zirlai naupang ten Scholarship chi hrang hrang an dil theih tan tur zirhona leh sawihona chu nimin khan Serchhip P&E Veng YMA Hall-ah neih a ni.

Serchhip District chhungah Village Council pahnih te chuan VC in\hen dilna Serchhip DLAO Office-ah an thlen tawh a, heng te hi a \ul anga buaipui zui niin VC hi \hen a nih dawn leh dawn loh erawh nakum lamah hriatchian theih a ni chauh thung ang.

Ngawrh lehzuala inbuatsaih a \ul

I&PR Department leh Mizo Photographers’ Society (MPS) \angkawp chuan nimin khan World Photography Day vawi 180-na pualin Aizawl-a I&PR Auditorium-ah hun an hmang a, I&PR Secretary, Sangdingliana, IAS chuan khuallian niin a hmanpui a ni.

Assembly Deputy Speaker, Er. Lalrinawma chuan Ram hmangaihna leh tih tak takna nena ram rawng an bawl phawt chuan, Pathian chuan he ram rawngbawlna hna hi an ko-ah a dah reng ang tih ring turin an Party mipuite chu a chah.

National Trade Union of Mizoram (NTUM) chuan sawrkar in mamawh vanga hun rei tak a lo chhawr tawh hnathawktu hnuaihnung zawkte chawikan a nih theih nana hma lak sak turin sawrkar chu an ngen.

Election Department, Mizoram leh Common Service Centre te (CSC) chuan mipui ten awlsam zawka Election Commission of India service an hman theih na turin nimin khan thawhhona thuthlung (Memorandum of Understanding) an ziak.

ZNP President, Lalduhoma chuan nimin khan Zoram Nationalist Party (ZNP) chu \hiatin, a bo a bang awm lovin lungrual takin, Zoram People’s Movement Party (ZPM)-ah an inchhung lut ta tih a sawi a. ZPM hruaitu thar te chu theihtawpa \awiawm a pawimawh thu a sawi bawk.

Inrinni khan Chakma Autonomous District Council (CADC) hmunpui, Kamalanagar-ah Chakma Black Day hman a ni.

Cheng vbc. 500 senga din tur, Super Speciality Cancer Hospital and Research Centre, Aizawl chu Screening Committee in a pawm fel tawh nia thudawn a ni.

Mizo puan pahnih- Tawlhlohpuan leh Puan-chei te chu Mizoram in neitu nihna a nei ta a, Mizoram nilo, hmundang a\anga tahchhuah ve phal a ni dawn lo.

Law & Judicial Minister, TJ. Lalnuntluanga chuan Inrinni khan Champhai-a a chenna In-ah Champhai Bawrhsap, Dr. Naveen Aggarwal leh District thuneitu dangte kawmin e-Visa chungchang an sawiho.

ZPM chuan Inrinni khan Lengte ram-a Raw \iak khawina nia sawi chu an tlawh thu sawiin, he huan enkawltute chuan he huan hi Chief Minister, Zoramthanga huan a nih thu an lo sawi niin an sawi bawk.

Serchhip Chhim Veng Branch YMA chuan Zirtawpni zan khan Lalpuithanga Hall, Serchhip Chhim Veng-ah ‘Zonun zemawi inzirtirna’ hun an buatsaih a, he hun hi an President, Rualchhawn-kima chuan kaihruaiin an Branch huamchhunga tleirawl leh rawlthar \hahnem tak telin Branch YMA hruaitu ten thupui hrang hrang hmangin zirtirna an pe a ni.

Vawiin August 19, 2019 a\ang hian Guwahati (Assam)-ah North East Shooting Championship-2019 chu neih a ni dawn a, he intihsiakna ah hian Mizoram aiawhte pawh an kal dawn a, an zingah hian Saihmingthanga Sailo, Serchhip Ramthlun Veng pawh telin ani hi Meter 50-a hla a .22 LR (Rifles) Prone inkahsiakna ah a tel dawn a ni. He intihsiakna hi tunkar Zirtawpni khian zawhfel a ni ang.

Vawk hri hlauhawm tak, African Swine Fever (ASF) chu India ram \henawm, Myanmar-ah a leng tih finfiah a ni tawh a, he natna laka Vawk venna tur (Vaccine) siamchhuah ala nih loh avang leh a vei tawh te chuan an thihpui zel avangin Mizoram sawrkar chuan he natna hi Mizo-ram-a a rawn luh lohna turin chak takin hma a la mek bawk. ASF natna hi inkaichhawn awl tak niin Vawka hrik awm (Ornithodoros species) ten an pu darh a, Vawksa a\anga siam Sausage, Meat Ball leh a dangte a\ang pawhin he natna hi a darh zel thei a, chuvangin ramdang a\anga Vawk leh Vawksa a\anga siam eitur lakluh loh tur a ni tih AH & Vety Department hotute chuan an sawi.

Mizoram Merchant Association Gen. Hqrs. hruaitute chuan kar kalta lama an lo tih tawh angin Inrinni khan Mizo hming hawha hnamdang dawr-kai enfiah hna thawh chhunzawmlehin hnamdang dawr atana luah tir mek te chu luahtir lo tura ngenna lehkha an pe leh a.

Mizoram State Legislative Assembly Speaker, Lalrinliana Sailo chuan India President hnenah lehkha thawnin Mizoram Governor nghet dah thuai turin a ngen.

Sawrkar laipui, Government of India-a Ministry of Health & Family Welfare (Deptt. of Health & Family Welfare) chuan Zirtawpni khan central sawrkar hnuaia MBBS zir tur Central Pool quota-a state te seat neih zat tur a tichhuak a, Mizoram chuan seat khatmah a chang lo a, BDS-ah seat pali pek a ni. Hetihlai hian Mizoram sawrkar chuan thuchhuah siamin central in MBBS quota a tihtawp chhan chu State in ama puala Medical College a neih vang a ni, an ti.

School Education Minister, Lalchhamdama Ralte chuan kan ram hian zirna lam a ngai pawimawh hle tih sawiin, zirna tih hmasawnna tura Mizoram sawrkar in Mizoram pum leh Serchhip District chhunga hma a lakna hrang hrangte Ningani kaltaa Serchhip-a India Independence Day lawmna ah a tarlang.

HLA THU DIK LO CHUNGCHANG  - Eddy Zosangliana Colney

Mizoram sawrkar-a Local Administration Department chuan VC te tana Excluded Area Grant pek tur chu K-Deposit ah dah leh rih a nih avangin Village Council te hnena sem mai theih a nih loh thu an sawi.

Urban Development & Poverty Alleviation Department buatsaih 'Mizoram Khawpui Fai Intihsiakna 2019' chu nimin khan PHE Department Changtu Deputy Chief Minister, Tawnluia’n Aizawl Chawnpui Veng-a a chenna In-a programme buatsaihah a hawng.

Lirthei neitu ten Chhiah pekloh an neih an pek theih nana Late Fee ngaihnathiamna hun a hawn mek chungchang sawihona chu nimin khan Serchhip DTO Office Chamber-ah District Transport Officer, B. Lalrinsanga kaihhruaiin neih a ni a, he huna tel te hian he hun hawn mek hi mipui ten hmang \angkai se an duh thu leh Late Fee hriatthiam rual hian Fee lo bat tawh te ngaihnathiam \ul an tih thu sawiin, thuneitu sang hnenah thlen nise an ti bawk.

Serchhip Sub-Hqrs. YMA in kumin July thlaa Fur ruahtui tla avanga Serchhip Sub-Hqrs. YMA \huthmun Branch a vanduaina tawka In leh lo chan te \anpuina tura Vehbur a khawn chu Branch 28-ah khawn niin nimin tlai thleng khan Branch 17 te chuan an khawn ang ang an thehlut tawh a, tun thlenga he Vehbur khawn a\anga sum lut hi Rs. 2,23,655/- tling tawhin karleh Thawh\anni-ah a luh kim beisei a ni.

Serchhip District Anti-Tobacco Squad chuan nimin khan COTPA bawhchhiaa Dan lova pui-punna hmuna mei zu dapchhuah hna thawkin Restaurant, Bazar, Taxi Stand, Auto Rickshaw Stand, Maxi Cab Stand, sawrkar Pisa leh dam-dawi In te an tlawhkual a, heng hmunah hian Dan bawhchhia a meizu mi 7 man leh niin heng mite hi Dan in a phut angin pawisa chawi tir an ni.

Special Summary Revision of Photo Electoral Rolls 2020 neih tur inbuatsaihna atan nimin khan Serchhip District chhunga Booth Level Officer (BLO) te tan Training neih a ni.

Sawrkar laipui in ruahmanna a siam angin Swasth SHG Pariwar (SSP) hawnna chu nimin khan Serchhip-ah District Bawrhsap, Sangchhin Chinzah hova neih niin Swasth SHG Pariwar (SSP) chungchang zirhona neih zui nghal a ni.

* Kumin ah TB vei 58 hmuhchhuah an ni tawh Nimin khan Serchhip-ah thuthar thehdarhtute tan TB natna enkawl dan, Revised National TB Control Programme (RNTCP) chungchangah Workshop neih a ni a. Kumin chhungin Serchhip District-ah TB vei mi 58 hmuhchhuah an nih tawh thu leh mi 2 enkawl dam an nih tawh thu tarlan a ni.

Independence Day Football Tournament chu nimin tlai khan khelh zawh niin New Serchhip FC chuan Hmar Veng FC chu 2-1 a hnehin an champion.

Central K|P buatsaihin nimin khan Aizawl Mission Veng Kohhran Hall-ah HIV/AIDS chungchang zirhona, Trainers' Training on HIV/AIDS an buatsaih a, Mizoram hmun hrang hrang a\angin K|P hruaitu mi 320 vel an tel.