Mizoram District thar zingah Saitual District lian berin Hnahthial District a te ber thung

Mizoram sawrkar in Mizoram-a District thar pathum (3) te ramri tur a tihfel hnuah District thar zingah Saitual District chu mihring tamna ber niin mi 50,575 an awm.

Kum 2011 Chhiarpui a\anga a lan danin Saitual District-a khaw 37-ah hian mipa 24,968 leh hmeichhia 25,607, an vaiin 50,575 awmin In 10,219 an awm bawk a ni. Saitual District chhungah hian Saitual chu khaw lian ber niin In 2457 awmin mi 11,619 an awm a, Ngopa in dawtin In 945 awmin mi 4,155 an awm a, Phuaibung khua in dawtin In 398 awmin mi 2134 an awm bawk. An District chhunga khaw te ber Dilkhan-ah chuan mi 225 awmin In 46 chauh a awm a ni.

Khaw huam chin tam lamah leh mihring cheng tam lamah Saitual District hi Khawzawl District in dawtin Khawzawl District-ah hian khaw 28 awmin mihring 36,381 an awm a, heng te hi mipa 17,934 leh hmeichhia 18,447 niin chhungkua 7372 an awm bawk. Khawzawl District-ah hian Khawzawl chu khaw lian ber niin In 2306 awmin mi 11,022 an cheng a, Kawlkulh-ah In 700 awmin mi 3094 an cheng a, Khawhai-ah In 515 awmin mi 2496 an awm a, an District-a khaw te ber Arro-ah In 42 awmin mi 156 an khawsa a ni.

District thar pathum zinga te ber, Hnahthial District-ah chuan khaw 26 huamin mihring 28,468 an cheng a, mipa 14,260 leh hmei-chhia 14,208 niin chhungkua 5846 an awm bawk. Hnahthial District -ah hian Hnahthial khua chu mihring leh In tamna ber niin In 1548 awmin mihring 7187 an awm a, Pangzawl chuan dawtin In 510 awmin mihring 2428 an awm a, Thingsai-ah In 461 awmin mihring 2241 an awm bawk a. An District chhungah hian Maudarh chu khaw te ber niin In 17 awmah mihring 62 an awm a ni. Mizoram sawrkar chuan heng District thar pathum enkawltu atan Deputy Commissioner leh Superintendent of Police turte a ruat fel tawh a ni.