Lunglei District-ah dan lova khaw din 12 awm

MSU Regional Hqrs. Lunglei chuan tun dinhmunah Official-a chhinchhiah danin Lunglei District-ah dan lova khaw din 12 a awm mek thu an sawi.
Nimin-a Lunglei-a thuthar thehdarhtute an kawmna huna he thu hi sawiin MSU Regional Hqrs. Lunglei hruaitute chuan dan lova khaw din, Tuichawngchhuah chungchangah nasa taka hma an lo lak tawh thu sawiin, Tuichawngchhuah a cheng Chakma te chu sawrkar in an awmna hmun a\anga chhuak tura a tih hnuah an duhthlanna hmun, Forest Reserve Area ah Dan bawhchhe leh tura awm tum lovin, Tuichawng-ah an in bengbel tur a nih thu an sawi a. Chakma te Dan bawhchhetu an ni chunga Dan bawhchhetu ang lo maia a ram leilungfa-te zahna leh duh dan pawi sa lova an khawsak chu rem an ti lo tih pawh an sawi bawk.
Hei bakah hian MSu hruaitute chuan Dan lova lo pemlut Chakma te'n Mizo chimral min tumna leh kan ram luahlai min chuhpui mai duh tawk lova, a ram neitu nihna hiala an inchhal chu an hrethiam theilo tih pawh an sawi a. Chakma te'n an duhna hmun taka an awm theih nana Department \henkhatin theihtawp an chhuahpui chu hriatthiam har an ti takzet tih pawh sawiin, Tuichawng-chhuah-a Chakma te chu huntiam chhunga inthiarchhuak tura an beisei thu an sawi a, huntiam chhung, August thla chhung ngeia an inthiarchhuak lo a nih chuan MSU Regional Headquarters chuan kut an sil tur thu leh an chungah eng pawh thleng se an sawibuai theihloh tur thu an sawi bawk.

Comments

Popular posts from this blog

PAN CARD an tih teh fo hi - Laldinpuia