CM in Lengpui Airport tlawh

/
Lengpui Airport tichangtlung tura hnathawh kal mek enfiah in Chief Minister, Zoramthanga chuan nimin zing khan lengpui Airport a tlawh a. Airport Authority of India (AAI) aiawhte leh Aviation Department hotute nen hmalak zui zel dan an sawiho nghal bawk.
Kumin June ni 8 khan Chief Minister hian Lengpui Airport hi lo tlawh tawhin, hemi hnu hian Runway Resurfacing - runway khawk tawh leh rualrem lo lai te chei-\hat hna chu thawh \an nghal a ni a. October thlaa Airline pahnih - GoAir leh Indigo lo lut tur dawngsawng tura thawh ngai la awmte tukin khan enfiah niin Isolation Parking Bay siam te, Thlawhna park-na hmun Apron zauh te, Air Traffic Control (ATC) siam\hat te, RESA (Runway End Safety Area) siam\hat turte chu enho a ni a. Pangpar leh thingkung hmanga Airport chei hna, Florist Association ten an thawh mek chu a en bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »