I-Day Football Round of 16 khelh tan a ni ta

Serchhip-a Independence Day Football Tournament khelh mek chu nimin a\ang khan Round of 16 khelh \an a ni ta a. Vawiin ah khelh chhunzawm leh a ni ang.

Serchhip District Football Association (SDFA) buatsaih, Serchhip Sports Complex-a Independence Day Football Tournament khelh mekah hian nimin a Round of 16 khelh hmasa berah nikum-a Final-a chak zolo New Serchhip FC chuan Leisekawt FC chu inkhel \an a\anga minute 5-na a Vanlalhruaizela goal thun hmanga si khat faia hnehin Quarter Final an lut a, inkhel vawi hnihna ah FC Serchhip Kawnpui chuan Bazar Veng FC, Thenzawl chu si sarih faia hnehin Quarter Final an lut bawk a. FC Serchhip Kawnpui tan hian Lalrinzuala Hauhar chuan goal thum khunga Hattrick siamin Dennis Lalhruaitluanga chuan goal hnih a khung a, C. Lalduhzuala leh Rodinsanga ten goal khat ve ve an khung bawk. New Serchhip FC leh FC Serchhip Kawnpui te hi Quarter Final-ah an inhmachhawn ang.

Inkhel vawi thumna ah Chanmari FC chuan FOCUS FC chu 4-2 a hnehin Quarter Final an lut bawk a, Chanmari FC tan Lalmalsawma chuan goal hnih khungin Lalthangmawia leh Lalnunkima ten goal khat ve ve an khung a, FOCUS FC tan Joela leh Lalnithanga ten goal khat ve ve an khung bawk. Nimin a inkhel hnuhnung berah P&E Veng FC chuan Hmar Veng FC-II chu si riat faiin an sawp a, P&E FC tan Lallawmkima leh Lalpianmawia ten goal hnih ve ve khungin Samuel Lalruatbika, Laldawngliana, Malsawmtluanga leh Mark Zothanpuia ten goal khat \heuh an khung a, Chanmari FC leh P&E FC te hi Quarter Final-ah an inhmachhawn ve bawk ang.