School Education Minister, Lalchhandama Ralte chuan tunlai khawvel kalphung tharah \halaite tan dam khawchhuak turin Political Fitness a \angkai tawh lova, a tak taka fit nih a ngai tawh, a ti.
Hrangbana College Week kharna inkhawm nimin-a an College Colgen Hall-a neih a hmanpuina ah he thu hi sawiin School Education Minister chuan mipui pawhin kan rilru puthmang kan thlak a \ul tawh thu leh Political Fitness a\anga luh tum phet an la awm \hin thu sawiin, “Tunlai khawvel kalphung tharah chuan thil theih a ni tawh lo,” a ti a. “A thiam chu an tling mai dawn a, School Education Deparment a thawk tur mi sangkhat dawn an lak mekah pawh a thiam leh tha chu an tling mai dawn a ni,” a ti bawk. Education Minister chuan hun vawn \hat leh vawn dik pawimawhzia pawh sawiin, “Zoram \halaite hi a hun taka engkim ti thei tura inbuatsaih a ngai tawh a, hun vawn dika vawn \hat a pawimawh tawh, hun vawng \halo te hian hmasawnna an uaifual a ni,” a ti bawk. Hei bakah hian Thianghlimna leh faina chu ram hmel a ni tih pawh sawiin Education Minister chuan, “Ram changkang kan sawi hian an fai, an thianghlim, kan ti \hin a, hei hi kan ti ve thei,” a ti a. He huna kalkhawmte chu faina leh thianghlimna chu nunpui turin a chah a, \halaite chu midangte entawn ni turin a chah bawk.
Comments
Post a Comment