Mizoram Sports Policy 2019 chungchang sawiho

Mizoram chhunga Sports Association hrang hrang hruaitute tan niminpiah tlai khan  Mizoram Sports Policy 2019 chungchang sawihona neih leh a ni a, he hun hi Sports Minister, Robert Romawia Royte chuan a hmanpui a ni.
Aijal Club-a 'Consultation on Mizoram Sports Policy 2019' ah hian Sports Minister, Robert Romawia Royte chuan Infiamna chi hrang hranga hmalakna leh hmachhawp duang tur chuan Sport policy rintlak, behchhan tur kan ram hian kan neih phawt a \ul tih sawiin, “He policy hi infiamna discipline hrang hrang tan a hmasawnna thlentu hmanraw pawimawh tak a nih ngei ka beisei a ni,” a ti.
Sport Minister chuan sawrkarin faina kawnga hma a lakna, Swachh Bharat hmangin kum nga chhungin faina kawngah hmasawnna nasa tak India hmun hrang hrangah a thleng tih sawiin, chutiang bawkin hriselna kawnga hmalakna bul \an nan Fit India movement chu August ni 29, 2019 hian ram pumah neih tur a nih thu a sawi a. Mizoram a\angin Hockey player, Saihnawla (80) leh Valbuanga (84), Thenzawl khua te chu Fit India movement hawnna hun, New Delhi a tel turin an kal thu a sawi bawk. Robert Romawia Royte chuan Mizoram Sports Incentive cash Award 2008 dawng thei, April 2008 leh March ni 31, 2019 inkara harsatna leh chhan hrang hrang avanga dilna la thehlut lo te tan dilna hi September ni 5, 2019 thleng thehluhna hun hawn sak leh a nih thu  pawh a sawi bawk.
Mizoram Sports Policy 2019 chungchang sawihona hun hi Sports Department Director, Zothanmawia chuan sawrkar mi pawimawh te leh MLA \henkhat te pawh an tel a ni.

Comments

Popular posts from this blog

PAN CARD an tih teh fo hi - Laldinpuia