Manpower Development Board \hutkhawm neih a ni

Mizoram sawrkar-a Manpower Development Board chu nimin khan Chief Minister, Zoramthanga hova \hukhawmin Board hmalak dan tur hrang hrang an sawiho.
CM Cabinet Meeting Room-a Manpower Development Board \hutkhawm ah hian Chief Minister chuan mipuiin sawrkar langtlang an neih theih nan \huang hrang hranga hmasawnna hna thawk tura Board siam a nih thu a sawi a. Board chuan hmalak dan tur leh inkaihhruaina te a tirah duangin, a kenkawh leh enzui thlengin Board chuan a bawhzui tur thu leh a hmalakna kaihhnawih Department te nen a \ulnaah chuan hma an lak ho zel tur thu a sawi. Chief Minister chuan Manpower Development Board chuan \halai hmantlak leh \angkai siam kawngah leh eizawnna kawng hrang hrang kawhhmuhnaah mawhphurhna pawimawh tak an neih tur thu a sawi bawk.
He Meeting-ah hian \halaite tana hma-lakna tur hrang hrang, zirna kawngah leh infiamna leh Music leh Fine Art lamah te leh eizawnna kawng hrang danga hmalak theihna tur te sawiho a ni a. Nitin inhlawhfa chawpa eizawng (labourer) te mumal zawka Organised Sector a luh tir dan pawh ngaihtuah niin, Labourer te tan leh an service mamawhtute tana awlsamna siam \ul an tih thu te leh Skill Development lam hmalak a pawimawh thu te sawi a ni bawk.
Manpower Development Board-ah hian Labour Employment, Skill Development & Entrepreneurship Minister, Lalchhandama Ralte chu Chairman niin Aizawl West-I MLA, Zothan-tluanga chu Vice Chairman a ni a. Vawiin-a Meeting-ah hian MYC Chairman Dr. Vanlal\anpuia, State Planning Board Vice Chairman, H. Ram-mawi, Adviser to CM, C. Lalramzauva leh member dangte bakah LESD&E Department a hotu \henkhat an tel a ni.

Comments

Popular posts from this blog

PAN CARD an tih teh fo hi - Laldinpuia