Thu diklo thehdarh dem

Serchhip Bazar-a Arsa zuara eizawngte chuan Serchhip Ar Vulh Association (SAVA) ten Serchhip-a Arsa zawrh chungchangah mipuite hnenah thu dik tawklo an thehdarh chu an dem takzet tih sawiin, thil awmdan sawifiahna an nei.
Serchhip Bazar-a Arsa zuara eizawngte chuan SAVA te nen hian Arsa man leh a lakna rate-ah hian inbiakna mumal tak an nei lo tih sawiin, SAVA President, C. Lalhmunliana chuan Arsa sattu zing ami, C. Lallunghnemi chu Telephone hmanga biain, an pawl Assembly in Ar hralhna man an bithliah thu leh Ar lian leh te pawh Kg. ah Rs. 180/- hisap a lain Kg. ah Rs. 250/- a zuar turin a ti tih an tarlang a. Amaherawh chu Arsa sattu te hi mi hrang hrang, chhungkaw hrang hrangte an nih avangin sawiho a relho \ha a tih thu in alo chhang tih sawiin, SAVA President hian Arsa zuartute chu Ar vulh Association member an nih ve loh avanga sawiho thei leh rel ho thei an nih loh thu a sawi leh bawk si avangin indawrna hi neih theih a ni ta lo tih an tarlang.
Arsa zuartute chuan Serchhip Bazar-a Arsa zawrhna rate chu kum 2014-a khatih laia kan District Bawrhsap hova NGO hrang hrang, Consumers Association leh Ar vulhtu hmasa te leh Arsa zuartu ten sawihona an neih hnua bithliah a nih thu SAVA President hi hrilh a nih thu leh ani hian Arsa hi a man tlawma an zawrh khum tur thu in a chhang tih sawiin, “Hetianga thuneitu sang zawkte nena ruahmanna lo awm tawh ti danglam tura inbiakna mumal awm lova hma an la leh, a man sang (Kg. ah Rs. 180/-) a lak sak duhlo hrim hrim anga Arsa zuartute min puh ta mai hi kan dem takzet a. Thu belhchian dawllo leh thu phuahchawp hmanga mipuite hnena hriattirna leh ngenna siam tawhlo turin Arsa zuartute chuan kan ngenin kan duh tak meuh a ni,” an ti a. SAVA te hian ‘Tar chaklo leh mirethei te kan ni’ an tih lai hian Bazar-a Arsa rawn sattu te chu chhungkaw lama harsa lemlo leh Bazar-a Arsa sattu aia khawsa thei leh sawrkar hnathawk te an ni tih an sawi baw

Comments

Popular posts from this blog

PAN CARD an tih teh fo hi - Laldinpuia