'Draft National Education Policy-2019 zirhona neiin a dodalna NGO kutah dah a ni

Mizoram-a tlawmngai pawl hrang hrang- YMA, MHIP, MUP, MZP leh MSU te telna, NGO Coordination Committee huaihawtin nimin chhun khan Central YMA Hall, Tuikhuahtlang ah 'Draft National Education Policy-2019' zirhona neih a ni a. Sawrkar leh Pawl hrang hrang aiawh 14 telin he Bill dodalna neih dan tur chu NGO Coordination Committee kutah dah a ni.

Nimin-a 'Draft National Education Policy-2019' zirhona hun hi Central YMA President leh NGO Coordination Committee Chairman ni bawk, Vanlalruata chuan kaihruaiin Central YMA General Secretary, Lalhmachhuana chuan report pein sawrkar laipuiin Draft National Eduction Policy 2019 a duan sawiselna leh rawtna siam duh tan August ni 31, 21019 thleng a hawn leh tak avangin NGO Coordination Committee \hukhawm chuan 'Draft National Education Policy-2019' \hatna leh \hatlohna te ngaihtuaha inrawnkhawm chu buatsaih a nih thu a sawi.

He hunah hian Central YMA General Secretary chuan 'Draft National Education Policy-2019' chu kum 2018 khan member 7 awmna TSR Subramanian Committee report behchhaha duan anih thu a sawi a, India-a sakhaw zalenna (Secularism) chungchang tarlanna a awm miahloh laiin Sanskrit erawh \um 23 lai lang thung a ni, a ti a. DNEP hnuaiah zirna chu Centralised a National Education Commission (Ratriya Shiksha Ayog), Prime Minister Chairman na hnuaia duan a nih thu leh State ten thuneihna zau zawk an neih theih \hin chu a Draft National Education Policy-2019 ah chuan a awm tawh dawnlo niin mithiam ten an sawi a, he policy hnuaiah hian zirna In centralised, Communinalised leh Corporationalised a ni anga, pawl hniam lamah Formal Education nuai bovin a sang lamah Job Oriented base a kal chhohpui tum a ni a, Curricular leh Co-Curricular a \hen hran em em awm lovin zirna chu kalpui tum anih tur thu a sawi bawk. 

Draft National Education Policy 2019 zirhona ah hian NGO te bakah Mizoram Primary Teachers Association (MPTA), Mizoram College Teacher Association, (MCTA), SCERT, MBSE, PUC, Zirtiri College, HISLAM leh Mizoram Kohhran Hruaitu Committee (MKHC) aiawhte an tel a. DNEP himlohna leh hmalakzui dan tur te pawh sawichhuah niin, dodalna leh duhlohna kalpui dan tur chu NGO Coordination Committee la ngaihtuah tura dah a ni.