Latest News

Tui bill pek dan thar tlangzarh

PHE changtu Deputy Chief Minister, Tawnluia chuan nimin khan Aizawl Chawnpui Veng-a a chenna In ah Tui bill pekna thar, Mobile Point of Sale (MPOS) a tlangzarh.
Mobile Point of Sale (MPOS) hawnna hunah hian Deputy Chief Minister, Tawnluia chuan mipuite tan awlsam zawka Tui bill pekna tur, MPOS hman theih a ni ta chu lawmawm a tih thu sawiin, he khawl thar hmang hian Aizawl khawpui chhungah Tui bill awlsam tak leh rang takin a pek zung zung theih tawh dawn a, phone hmangin emaw, ATM Card leh Cheque hmangin emaw awlsam taka pek theihna tur ruahmanna thar PHE Department-in a siam chu mipui tan leh sawrkar tan pawha zangkhaina leh awlsamna tam tak siamtu a ni dawn tiin PHE Department-in rahbi thar a kai tih a sawi.
Mobile Point of Sale (MPOS) hmang hian dawr changkanga ATM Card hmanga thil kan lei \hin ang hian Tui Bill a pek theih tawh dawn a. ATM Card emaw, Cheque emaw a hman theih a, pawisafai-a pe duh tan pawh pek chhunzawm theih a ni ang. He khawl hian Bill Receipt a print theih avangin PHE Bill Counter-ah printer leh paper hranpa hman a ngai tawh dawn lova. Sawrkar sum senso pawh a tlem phah dawn a. Internet hmanga Tui Bill pe \hin ten an chawi belh \hin ang kha awm tawh lovin a thlawn vekin heng khawlte hi a hman theih a ni.
MPOS khawlte hi PHE Tui Bill Counter tinah dah a ni dawn a. Bill pek rualin a khawlpui (main server) ah pek zat a lo in chhinchhiah zel anga. Bill pek dawnin Consumer Number emaw, Bill number emaw chhutluh a ni ang a, khawl hian Bill detail a rawn tarlang dawn a ni. PHE bill counter-a kal kher lovin mahni In a\angin Android Phone hmangtute chuan playstore-ah PHE Smart Water Application download in Consumer number hmanga in register theih a ni bawk.

Comments

Popular News (Last 30 Days)