Zirtirtute Ni hman dan tur Bawrhsap hovin rel a ni

Kumin September ni 5-a Zirtirtute Ni, Teachers’ Day hman dan tur ngaihtuahin nimin khan Serchhip-ah District Level Committee for Celebration of Teachers Day chu Serchhip District Bawrhsap, Sangchhin Chinzah hovin an \hukhawm.
Serchhip District Bawrhsap Pisa-a he \hutkhawm ah hian Member Secretary leh Serchhip DEO, Lawmawma chuan kum hmasa lama Serchhip District-a he ni an lo hman tawh dan te tarlangin, chumi hnuah kumin a hman dan tur hi sawizui a ni.
Nimin a \hukhawm hian kumin hian Teachers’ Day chu School hrang hrang ten anmahni remchan danin hlim taka hman dan lo rel se, Sub-Division Education lamin an area \heuh ah hman dan tur lo ngaihtuah bawk se an ti a. Banner pawh Serchhip khawpui huamchhung ah pali (4) tar nise, a ngaihtuah turin DEO, SSA, SDEO (Serchhip) leh RMSA te ruat an ni a. He Ni puala thuchah pawh District Chairman in nei leh se, Cable TV-ah I&PR Department te nena \angho in tihchhuah nise, School-ah te chhiar-chhuah ni bawk se an ti a ni.
Zirtirtu zinga damlohna avanga \anpui ngai te \anpuina tur sum, National Foundation for Teachers Welfare (NFTW) pawh nikum chhungin Serchhip District chhunga zirtirtu zawng zawng ten kim taka an thawh thu leh vanneihthlak takin he \anpuina dil ngai khawpa harsatna nei an awm lo tih he hunah hian DEO chuan a tarlang a. Kumin ah pawh NFTW hi zirtirtu zawng zawngten kim takin lo thawhkhawm leh ngei se an ti bawk.

Comments

Popular posts from this blog

PAN CARD an tih teh fo hi - Laldinpuia