Latest News

National De-worming Day hman dan tur rel a ni

Serchhip District Level Co-ordination Committee on National De-worming Day chu nimin khan SDO (Sadar), R. Vanrengpuia hova \hukhawmin tun thla ni 8-a National De-worming Day hman dan tur an rel.
He \hutkhawm ah hian Serchhip CMO, Dr. Laldawngliana Sailo chuan National Deworming Day chungchang sawifiahna nei hmasain, he Ni hi kum khatah \um hnih neih \hin a nih thu leh a hmasa zawk chu February thlaah niin a hnu-hnung zawk chu August thla-ah hman a nih thu a sawi a. He hmalakna hi India rama naupang kum 1 leh tleirawl kum 19 inkar te zingah thisen tlakchham vanga natna a tlem theih nana hmalakna pawimawh niin Thisen tlakchham natna thlentu langsar ber chu Rulhut a nih avangin Rulhut hlo pek beihpui thlak hi a kalpui ta a ni, a ti.
He Meeting hian National Deworming Day hawnna hi tun thla ni 8 khian Anganwadi thlan bikah District Level Co-ordination Committee te nena neih nise an ti a. Hmun dang zawng ami te chu \um danga an lo tih tawh \hin angin Education Department te nena \angkawpin School zawng zawngah he ni vek hian a huhova damdawi ei runpui buatsaih nise an tih bakah Anganwadi zawng zawngah pawh Rulhut hlo ei tur a ni dawn a, chumi hnuah School kal tawh lo, kum 19 leh a hnuailam te zawnchhuaha ei tir leh tura ruahman a ni bawk. Nimin-a Meeting-ah hian District Immunization Officer, Dr. Lal-hlunpuii te, Dr. Samuela, MO te, District Education Officer aiawh te, Social Welfare aiawh te leh mi pawimawh dangte an tel a ni.

Comments

Popular News (Last 30 Days)