Ruihhlo laka ven dan zirho

National Institute of Social Defence (NISD) leh SCERT Mizoram \angkawp buatsaih Ser-chhip District chhunga High School-a Zirtirtute tana Sensitization Programme on Drug Demand Reduction (DDR) chu nimin khan Serchhip DIET Multipurpose Hall-ah neih \an a ni.
Sensitization Programme on Drug Demand Reducation (DDR) hawnna hun nimin a neih hi Serchhip DIET Lecturer, John Zorammawia chuan kaihruaia inlawmna thu sawiin Serchhip DIET Principal, Lalrammawia chuan khuallian niin a hawng a. Hetianga zirtirtute tana ruihhlo hmansualna laka inven dan zirhona hun hi Middle School Zirtirtute tan neih a lo nih tawh thu sawiin, Mizoram mai nilo, India rampumah ruihhlo hmansual hi kan buaipui nasat thu leh Zu chu langsar viau mah se ruihhlo erawh awlsam taka thuhruk theih leh a rim a\ang ngawta hriat harsa te a nih avangin tirem tura hmalakna ah pawh harsatna nasa tak a awm thu a sawi.
DIET Principal chuan ruihhlo dona kawngah hian sawrkar mai bakah YMA te pawhin theihtawp chhuah mah se tihrem a harsat avangin tihchhin loh chu a pawimawh ber a nih thu leh tichhin lo tura naupangte lo ven leh kaihhruai chu School a\anga bul \an a \ul thu leh chumi atan chuan Zirtirtute chu a pawimawh hmasa an nih avangin hetianga Training hi buatsaih a nih thu a sawi bawk.
He Programme hi ni hnih chhung neih tura ruahman niin Serchhip District Hospital a\angin Dr. Zodinmmawii leh DIET Serchhip Lecturer a\angin R. Vanlalawmpuia leh Lalawmpuia ten thupui thlanbik hrang hrang hmangin an zirtir dawn a ni. Serchhip District chhunga High School zirtirtute tana Sensitization Programme on DDR hi thawh hnih-a neih tura ruahman niin a thawh khatna ah hian Serchhip District chhunga High School 15 a\angin zirtirtu pahnih, Mipa leh Hmei-chhia tel tura koh an ni a, hemi hnu hian School dang 15 ten ni 2 chhung bawk neih leh tur a ni ang.

Comments

Popular posts from this blog

PAN CARD an tih teh fo hi - Laldinpuia