Aizawl-ah World Photography Day hman a ni

I&PR Department leh Mizo Photographers’ Society (MPS) \angkawp chuan nimin khan World Photography Day vawi 180-na pualin Aizawl-a I&PR Auditorium-ah hun an hmang a, I&PR Secretary, Sangdingliana, IAS chuan khuallian niin a hmanpui a ni.

World Photography Day puala inkhawm hi Mizo Photographers’ Society (MPS) President, Tlauliana chuan kaihruaiin I&PR Secretary, Sangdingliana chuan Photography chu mihring hlimthla phochhuak thei hmanrua leh \angkai tak a ni tih sawiin, I&PR Department chu Mizoram Allocation of Business Rules, 2019 hnuaiah June thla a\angin Nodal Department a nih thu leh Photography hmasawn nan MPS chu State pum huapa khaikhawmtu leh District danga mite nena thawkho tur an ni, a ti.

Nimin-a he hun hmanna ah hian I&PR Director, Lallianpuii chuan inlawmna thu sawiin he Ni puala Photography Workshop neih ah Pratab Chhetri MIS, Johny Ngurthansanga, Asst. Secretary, MPS leh Runremmawia Tochhawng, MPS te Paper buatsaih chu zirho a ni a, MPS ten August ni 3 a\anga ni 11 chhhunga MPS Facebook Group-a World Photography Day puala intihsiak an buatsaih lawmman semna hun an nei bawk a, he intihsiakna ah hian Category 10 awmin, thlalak 1480 chhuang thehluh a ni.