Sipai intlar turte tan Pre-Training buatsaih leh rel

Serchhip Sub-Hqrs. YMA hruaitute chuan nimin khan 8th Assam Rifles Commandant kawmin Sipai lakna neih leh tura Pre-Recruitment Rally neih chungchang an sawipui.

Nimin-a Serchhip Sub-Hqrs. YMA hruaitu ten 8th Assam Rifles Commandant, Col. Saurabh Chara an kawmna hunah hian YMA hruaitute hi an President, R. Sang-hmingthanga chuan hovin kumin November thla a Sipai lak runpui neih turah Sub-Hqrs. YMA huamchhunga \halai tana Pre-Training buatsaih leh nise an duh thu an thlen a. Hei hi CO chuan \ha a tih thu sawiin, uluk takin Pre-Training hi buatsaih nise a ti a, information la lakkhawm leh phawt nise an ti. Hei bakah hian thla thar ni 2-a an dinchampha lawmna an neih turah Sub-Hqrs. YMA Cultural Troupe te Hnam Lam entir tura sawmna chungchang pawh he hunah hian an sawiho bawk a ni.