High School Sports zofel

/
Tunkar chhung awh Serchhip District High School Sports Meet Vawi 17-na chu nimin khan zawhfel niin Govt. Lallengvunga H/S, Thenzawl chu an champion.
Serchhip District chhunga High School 21 te telna Serchhip Distrct High School Sports Meet-ah hian Serchhip khawpui chhunga infiamna hmun hrang hrangah item hrang hrang hmanga inel niin nimin chawhnu khan zawhfel a ni a, a pumpui-ah Gold 16, Silver 11 leh Bronze 5, a vaia medal 32 lain Govt. Lallengvunga H/S, Thenzawl chu an champion a, Marian H/S Ser-chhip chu pahnihna niin Gold 5, Silver 3 leh Bronze 11, a vaiin Medal 19 an la a, Gold 4, Silver 3 leh Bronze 3 laa a pumpui-a Medal 10 latu Govt. Chhingchhip H/S chu pathumna an ni bawk.
He Sports-ah hian Gold 3 latu Vanlal-hmangaihsanga, Govt Serchhip High School chu Best Boys niin Gold 3 leh Bronze 1 latu Lalrem-ruati, Govt Lallengvunga H/S, Thenzawl chu Best Girls a ni bawk a. He Sports Organising Committee chuan tlawmngaia mikhual lo thlengtu te zawng zawng chungah lawmthu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »