Pradhan Mantri Awas Yojana (PMAY) katlangin Serchhip-ah In sak hna thawh chhoh mek a ni

Serchhip khawpui chhunga Pradhan Mantri Awas Yojana (Housing For All) kalpui mekah a hmasa ber atan chhungkaw 404 te hnenah \anpuina hmasa ber pekchhuah ni tawhin hemi hmang hian chhungkaw tam takin In sak hna an thawk mek.
lenkawl.khampat.com

Khawpui-a mirethei chenna In neilo leh chenna In sak \hat ngai te chenna In sakna tura sawrkar laipui in ruahmanna a siam, Pradhan Mlenkawl.khampat.comantri Awas Yojana (Housing For All) hi Serchhip District chhunga khawpui pathum- Serchhip, Thenzawl leh North Vanlaiphai khua ah te kalpui mek niin kumin July ni 2 khan Serchhip Town chhunga In sak \anpuina dawng tute hi Serchhip Auditorium-ah kohkhawm niin intiamna te an ziah hnuah July 3, 2019 a\ang khan Bank Account kaltlangin \anpuina sum hi pekchhuah \an a ni. Pradhan Mantri Awas Yojana (PMAY) hnuaiah hian Serchhip-ah hian 1st DPR-ah chhungkaw 1013 te chu In sak \anpuina Rs. 1,50,000/- \heuh pek tura ruahman niin 1st DPR hnuaiah hian a hmasa ber atan chhungkaw 404 te hnenah 1st Instalment Rs. 60,000/- \heuh pekchhuah kim an ni tawh a. Heng chhungkaw 404 te hian an sum dawn hmang hian In sak hna hi thawkin a bang pin thlenga an thawh hnuah 2nd Instalment Rs. 60,000/- an dil leh thei anga, chumi hmanga In sak hna zo te chuan 3rd Instalment Rs. 30,000/- an dil leh thei dawn a, tunah hian chhungkaw 15 hnenah 2nd Instalment thleng pekchhuah ni tawhin chhungkaw pakhat chu 3rd Instalment thleng pekchhuah an ni tawh bawk a ni.

Serchhip-a UD&PA Office a\anga kan thudawnna chuan heng In sak \anpuina dawng hmasa ber te hi ni 45 chhunga 1st Instalment sum hmanga an hna thawh tur ang te zofel tura beisei an nih thu sawiin, amaherawh chu an In sakna tur hmun hi Geo-Tag hmanga chhinchhiah a nih avang leh Fur leimin avanga In sak hna \an theilo bakah In sak thiam leh hmanrua indaihlohna avangin \an mai theilo te pawh an awm avangin hei hian harsatna a siam hlek tih an sawi a. Tunah hian 1st Instalment hmanga an hnathawh dan enfiah tura ruahmanna an siam chhoh mek thu leh In sak te hi Internet hmanga enfiah zel a nih avangin zofel lo chung chuan 2nd Instalment hi pekchhuah theih a nih dawnloh thu an sawi a. 1st Instalment hmang hian In ban phuna a rel te siamin a bang pin hman a \ul thu leh 2nd Instalment hmang hian sak zawha Electric wiring, inthiarna leh a dang te zawh vek a \ul thu pawh an sawi bawk.

Hei bakah hian UD&PA Department-a thawk te chuan 1st DPR-a tel, tuna \anpuina la dawng ve lo te pawhin \anpuina hi an dawn thuai an beisei thu sawiin, heng bakah hian 2nd DPR-a tel chhungkaw 985 te sum dawn tur pawh an buaipui mek thu leh sum an dawn thuai an beisei thu an sawi a. Hei bakah hian 3rd DRP atan pawh dilna thehluh hun an hawn chhungin dilna 532 an dawn thu sawiin, heng te hi an Survey vek tawh thu leh Screening Committee erawh chuan an la thlir loh thu an sawi a, hei vang hian a dawng thei tur zat hriat theih ala ni lo tih an sawi bawk.