Aizawl khawpui-a Plastic hman khapna a hlawhtling chho mek tih sawi

Aizawl Municipal Corporation (AMC) Mayor, PC Lalhmingthanga chuan AMC in August ni 1 a\anga Aizawl khawpui chhunga Plastic Micron 50 hnuailam hman a khap chu zawi zawiina hlawhtling chho mek a tih a sawi a, August ni 26 a\ang chuan dan bawhchhiate chu man an nih tawh tur thu a sawi. 

Aizawl Municipal Corporation (AMC) Mayor, PC. Lalhmingthanga, Dy Mayor Lalringliana, Councillor R.Thanglura, Lalhmingmawia leh B. Lalawmpui te chuan nimin khan Aizawl Millenium Centre tual-a Plastic bag/Polythene bag thlakna tur thil chi hrang hrang entirna leh zawrhna hmun an tlawh a. He hunah hian AMC Mayor chuan AMC in plastic a khap mek chu mihring hriselna mai bakah nungcha leh kan chenna leilung tan pawha hrisel lo leh harsatna thlentu anih vangin a hrechiang apiangin he hmalakna hi an thlawp an ring tih a sawi a, chutiang chuan tunah pawh mipuite thlawp a hlawh chho hle niin a sawi a. “Plastic zawng zawng khap a ni lova, tuna hman khap chin hi 50 Micron hnuai lam a ni a, kan khap loh chin te pawh a \ha chuang lo,” a ti bawk.
Thudawnna in a tarlan danin August 1, 2019  a\anga AMC in Aizawl khawpui-a Plastic hman khapna a siam hian zawm ala hlawh lutuk a, amaherawh chu AMC in plastic hman phal chin leh khap a neih hnuah Aizawl khawpui-ah hian khawchhak lam a\anga polythene lakluh a tlem sawt a, loh theih loha la hmang leh lakkhawl sa la nei ten an hmang chhunzawm a, heng te hi August ni 26, 2019 a\ang chuan khauh zawka khap a nih tawh dawn avangin dan bawhchhia an awm chuan dan anga man an ni tawh ang.
Plastic Polythene thlakna tura ruahman tuna zawrh chhuah mek te chu India rampuma plastic bag thlak nana an hman, Non-woven polypropyline spunbond fabric niin kum 2013-2014 vela siamchhuah a ni a, hemi hmanga bag siam te hi Eco Vista Manufacturing Group (HK & China) Co., Ltd chuan kum hnih hnu velah a \awih thei tih a puang a ni.
AMC hotute chuan Bawlhhlawh \awih thei paihna tur bik bag \awih thei chu Online hmangin a duh te tan a chi hrang hrang chah tur a awm a, mahse heng bag za a za \awih ralthei leh Biodegradable \henkhat zingah hian a lem (fake) a awm a, company rintlak siam chauh lei a, hmang turin mipui te an chah bawk.

Comments

Popular posts from this blog

PAN CARD an tih teh fo hi - Laldinpuia