Education Minister in S. Korea-ah APYE a hmanpui

Asia Pacific Youth Exchange Hanyang University, S.Korea-a hman mek chu School Education Minister, Lalchhandama Ralte chuan niminpiah khan a hawnna hunah hmanpuiin Keynote address a sawi.
He Youth Exchange hawnna hunah hian School Education Minister chuan Mizoram chu British-in India ram an awp hma daih tawha khaw tinin lal neia inrelbawl \hin a nih dan sawiin, Sapho in Mizoram an chhuahsan hnuah India lakah zalenna a sual a, kum 20 zet indo a nih hnuah MNF leh India ram chuan June 30, 1986 ah inremna puitling ziakin State puitlinga hlankai a ni ta a ni, a ti a. Zirna chungchang pawh sawiin Mizoram chuan zirna In nei mah ila hmanraw \ha kan nei tawk lova, kan zirlaiten thiamna leh finna sang tak nei mahse an thiamna chher hriama khawvel hmundanga zir turin remchanna (opportunities) leh resources an nei \ha tawk lo tih a sawi a. Heti lamah hian Mizoram state tan rualawhna ala nat thu pawh a sawi bawk.
Asia Pacific Youth Exchange (APYE) S. Korea 2019-ah hian ram hrang hrang a\angin delegates 150 an kalkhawm a, he exchange hian ni 10 chhung a awh dawn a ni. Asia Pacific Youth Exchange hi Regional Youth Program a ni a, Asia Pacific Countries a\anga thlanchhuah ten United Nations Sustainable Development Goals (SDGs) hmangin khaw hrang hrangah zirchianna nei tura tirhchhuah an ni \hin a ni. Tun \um APYE-ah hian ‘Multiculturalism’ chu thupui a ni a, \halai kalkhawmte hian hemi hmang hian S. Korea khaw hrang hrang a issues and challenges-te chu an bitum anga, an zirchhuahte leh Research Based Solutions te nen UN Representatives te hmaah an inlan ang. APYE Winning Team-te hian UNDP leh Hanyang University hnuaiah implementation kalpuiin funding an hmu thei dawn a ni.

Comments

Popular posts from this blog

PAN CARD an tih teh fo hi - Laldinpuia