Serchhip-ah Doctor ten Badge dum bel

Indian Medical Association (IMA) chuan nimin khan sawrkar laka lungawilohna lantirin Serchhip-a Doctor ten an thlawp bawk.
India rama Medical Doctor intèlkhawmna, Indian Medical Association (IMA) hian sawrkar laipuiin Medical Council of India (MCI) thlakna atana National Medical Commission (NMC) Bill a pass duhlohna lantirin nimin khan rampum ah lungawilohna lantirin darkar 24 chhung Medical Service an titawp a, he hmalakna hi IMA Mizoram State Branch chuan an thlawp thu sawiin, he hmalakna an thlawp lantir nan hian an hnathawhna hmunah Badge dum an bel a, IMA hnuaia awm Serchhip-a Doctor te pawhin OPD-a an hnathawhna leh damdawi In-a an hnathawhna hmunah te Badge dum hi an bel a ni.
Indian Medical Association (IMA) chuan, sawrkar laipuiin Medical Council of India (MCI) \hiat a National Medical Commission (NMC) din a tum hi an duhloh thu vawi tam tak sawiin, \um tam tak lungawilohna pawh an lo lantir tawh a. He Bill hi Lok Sabha-ah pawm ni tawhin hei hi sut leh an phut thu an sawi a, Medical Council of India \hiat a, a thlakna atana National Medical Commission (NMC) din tum chuan Medical lama thawkte tan an hnathawhna kawngah  harsatna a thlen thei dawn nia sawiin, MCI hi \hiat kher lovin, MCI Act hman mek chu siam\hat dan kawng ngaihtuah zawk tura sawrkar an duh thu an lo sawi tawh bawk a ni. IMA hnuaiah hian ram-chhung State 30-ah Local Branch 1,765 a awm a, District 686-ah inzarpharhin Member hi doctor nuai 2.7 chuang an awm a ni.

Comments

Popular posts from this blog

PAN CARD an tih teh fo hi - Laldinpuia