Serchhip-ah Sapzu tam tham tak man a ni

Serchhip Police te chuan State pawn a\anga lakluh ni ngeia hriat Sapzu (IMFL) um sang chuang manin Serchhip Police Station-ah thubuai ziahluh a ni.
Serchhip Police te hian tunhnai khan Serchhip-ah State pawn a\anga lak Zu tam tham tak rawn lut a awm tih hriain a chhui zui hna ngawrh takin an thawk a, niminpiah tlai khan heng Zu nia hriat Um 1100 zet chu Serchhip leh Thenzawl inkar Mat lui bula Culvert Hume Pipe chhunga dah chu an hmuchhuak ta a ni. Serchhip Police ten Zu an man hi Rum um puitling (750ml) 960 bakah Whisky a chanve um (375ml) um 140 niin a vaiin um 1100 a ni a. Rum hi State pawn-a lakna rate-ah Um khat Rs. 250/- niin tualchhung ah Rs. 800/- vela hralh \hin a ni a, Whisky hi um khat Rs. 230/- man niin tualchhunga an hralhna rate-ah Rs. 600/- vel a ni thung a, hemi anga chhutin an Zu man zawng zawng hi an lakna ah Rs. 2,72,000/- man niin tualchhunga an hralhna ah chuan Rs. 8,52,000/- hu vel nia chhut a ni. Serchhip Police te chuan heng Zu te hi ram palaileng-a man a nih thu sawiin, a neitu an hriatloh thu leh an chhui zui mek thu an sawi a, Serchhip Police Station-ah MLP Act hnuaiah thubuai ziahluh a nih thu pawh sawiin, Serchhip District Magistrate hnenah a \ul anga hmalak a nih theih nan an thawn dawn tih an sawi bawk.
Tun \um hi Mizoram-a Zu khuahkhirhna Dan thar, Mizoram Liquor (Prohibition) Act, 2019 hman a nih hnua Zu an man tam ber \um a nih thu an sawi bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia