Kumin March 25 hnuah Dan lova Vawk lakluh 321 man ni tawhin mi 16 man an ni tawh

Ram pawn a\anga Mizoram a Vawk lakluh khapna thupek chhuah a nih, kumin March 25 a\anga nimin thleng khan Mizoram hmun hrang hrangah dan lova Vawk lakluh 321 man a awm tawh a, dan lova Vawk laluttu ni a puh mi 16 man an ni tawh bawk.
|henawm ram-ah Vawk natna hri leng a awm avangin Mizoram hmun hrang hrangah Vawk lakluh khapna Prohibition Order chhuah a nih hnuah a khat tawkin dan lova Vawk lakluh man tur a awm reng a, Serchhip District chhungah dan lova Vawk lakluh \um li (4) man ni tawhin, Vawk puitling 38 leh Vawkte 102 man a ni tawh a, a neitu/phurtu mi 4 man an ni tawh a, Champhai District-ah \um hnih man ni tawhin, Vawk puitling 24 leh Vawkte 26 man a ni tawh a, Vawk neitu mi pahnih man an ni tawh bawk. Aizawl District, Seling khuaah a \um khat nan Vawk puitling 82 leh a neitu mi paruk (6) man an ni a, Aizawl District-ah hian a \um hnihna atan July 28, 2019-ah Vawk puitling 39 chu Zemabawk-ah man leh niin, a neitu mi 3 man an ni bawk.
Porcine Reproductive and Respiratory Syndrome (PRRS) chu Mizoram-ah kum 2013-ah a leng hmasa ber a, hei hi India rama Vawk hri a len vawikhatna a ni a. Kum 2016-ah leh 2018-ah te PRRS hi Mizoram-ah a leng nawn leh a, kum 2013-ah PRRS vangin Vawk 3806 an thi a, hemi kum a vawk thi vanga sum hloh zat chu cheng nuai 317 a tling a. Kum 2016-ah Vawk 4699 thi lehin, Vawk thi vanga sum hloh hi cheng nuai 437 tlingin, kum 2018-ah PRRS vanga thi Vawk 2574 awm lehin, Vawk thi vanga sum hloh chu cheng nuai 308 a tling bawk.
Vawk lakluh khapna thupek, CrPc Sec. 144 hmanga chhuah hi \ha zawka kenkawh a nih theih nan Director, AH & Veterinary Department chuan March 25, 2019-ah thuchhuah siamin District Officer tin te chu an District chhung \heuha hma la a, Animal Check Gate-ah te Staff duty chhun leh zana dah tura hriattir an ni tawh bawk. AH& Vety Department chuan Vawk hri hlauhawm tak, African Swine Fever (ASF) in \henawm ram Myanmar a luhchilh tawh vangin rampawn a\anga Vawk leh Vawksa lakluh a him tawh loh thu an sawi a, Vawk natna chi khat hlauhawm tak African Swine Fever (ASF) chu a enkawlna damdawi awm lo anih vangin a control dan \ha ber chu he natna vei Vawk te chu suat rem a nih thu an sawi bawk.

Comments

Popular posts from this blog

PAN CARD an tih teh fo hi - Laldinpuia