Bamboo Cultivation sawiho

/
Nimin khan Serchhip-ah Mizoram sawrkar Flagship Programme hnuaia Mau chin dan tur chungchang inrawnkhawmna chu neih a ni.
Serchhip Horticulture Conference Hall-a sawrkar Flagship Programme ‘Bamboo Cultivation’ hnuaia hmalak dan tur inrawnkhawmna neih ah hian Serchhip DHO hnuaia SerchhipTown Area leh a chhehvel khaw hrang hrang- Chhiahtlang, Kei\um leh Hriangtlang khua a Village Council members te telin Serchhip Horticulture Development Officer, Lucy Zaithangpuii chuan he hun hi a kaihruai a. He hunah hian Serchhip DHO, M. Vanlalzami chuan Serchhip Horticulture Division huamchhunga khawtlang hruaitu kal-khawmte hmaah thu sawiin sawrkar Flagship Programme, Bamboo Cultivation kalpui dan tur duanfel vek a la nih loh thu leh duanfel a nih veleh a hma la nghal tura inbuatsaihna kalpui a ngaih tawh thu a sawi.
Serchhip DHO chuan he Flagship Programme a lo hlawhtlin ngei theihna atana theihtawp chhuah tura VC Member te chu sawmin, VC tinte chu an VC Area huamchhung \heuhah Bamboo Cluster Area tur lo tifel (Identify) hmasa a, harsatna awm thei turte lo enfel vek turin a chah a. Serchhip Horticulture Division huam-chhunga VC Area hrang hrangah Bamboo Cluster awm theihna tur hmun sawihona neih nghal a ni bawk.
Nimin a Serchhip Horticulture Division huamchhunga Bamboo Cluster kalpui dan tur sawihona ah hian Lianhmingthanga, District Horticulture Consultant chuan Sawrkar Flagship Programme, Bamboo chungchang ah Mau leh a nihphung te, a Marketting chungchang te leh he Programme atana VC te hriattur pawi-mawh hrang hrangte Power Point presentation hmangin a lem nen entirin a sawifiah a, zawhna leh sawifiah ngei te sawiho zui niin he hunah hian Serchhip DHO huamchhunga khawtlang hruaitute an tel \ha hle a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »